這幾天我都帶阿B在家樓下散步，但係阿B常常不願意落地要抱抱，我唯抱下又迫下佢自己行，這樣不用常常困在家中，對身體都會好些。
今日下午飯我沒有吃，因為阿婆想煮田雞飯吃，所以等我們吃午飯後，她才焗田雞飯，但我提意阿婆明天才焗田雞飯，因為每一日第一餐是最吸收的，所以我將午餐讓給她吃，但她怕我餓，我話一陣帶阿B落街時買野食咪得囉！阿婆接納我了我的意見。
我決定帶阿B行去隔離村買〝麥麥〞食
，沿途又有好多樹~你話幾健康呢！阿B想訓&食奶，所以我快快手預備左水、餅乾，仲有最重要的〝奶咀〞比阿B，回來時幫他洗白白、餵奶、覺豬。我抱著阿B行左1/4路程就放下他扶住佢行，但阿B攬住我隻腳又用他的腳爬上我到~死都唔肯行
，有車經過即刻攬住我，可能地方陌生和車聲大~他害怕
，唯有抱起他繼續行，一邊行一邊與阿B傾計，雖然阿B不懂回答，但這步驟是一定要做的，如是者重覆抱、放、抱、放‧‧‧，最後行左3/4路程，有一個公園仔，我話：「阿B，有馬馬喎！〝激焗〞、〝激焗〞喎。」，阿B一見到就要落地喇！玩左一陣見到樓梯又要行落去，哎呀！衰仔~你唔係驚既咩？我立即抱起他繼續行，因為這條樓梯是去另一個地方的。
終於到了目的地，入到商場我又放阿B落地，又好似頭先咁~真係激死我
，我當然不會就此吧休，不斷地嘗試，好不容易才試到一次，因為他見到有間舖內有要入錢的電動音樂車車坐，才吸引到他行入去，都好過冇，坐完車車後，他繼續自己行，行到了電梯口，我不淮他行過去，他又要扭抱，我決定去買〝麥麥〞走人。
回程行出商場時，我都嘗試扶住阿B行，結果一樣，再行多一會，再放下他，他見到樓梯就願意行，但當時的我十分狼狽，因為我灣腰孭住個袋就會跌落黎~好易整到阿B，加上我又拎住袋〝麥麥〞，不過，不要緊對阿B好就冇問題。之後我都是抱住阿B，間中給他水&餅乾
。
阿B回到家中就想睡
，見到我開奶就將個奶咀比我~從未試過，他真的很餓。吃了一半就停了，玩了一陣都不吃，我就幫他洗白白，之後就飲晒喇！再睇埋他喜愛的〝放學ICU~布公仔〞就呼呼大睡了
，差不多睡了2 1/2小時。下次阿B食飽飽、睡夠就唔可以唔行架喇！
點解之前我唔開奶餵阿B？我在12點幾餵他通粉，他吃得不多，有時我知他肚餓，但他正餐不努力地吃，所以我要等到3點幾才會開奶，這樣是我想調教阿B的飲食時間，等他有規律，一日3餐奶，2餐正餐吃餐粥、烏冬或通粉，但餐與餐之間可能有小食，阿B飲食時間表。
奶：起身、下午3點幾、睡前
正餐：早上11點幾、傍晚6點幾
沒有留言:
發佈留言