京阪神 Day3@2011

今日原定係去〝日本環球影城〞，但老公朋友係明天去，所以我就將今天和明天的行程對調，讓大家明天係〝日本環球影城〞相聚喇！
由於今日時間都很緊，我地去完〝The Instant Ramen Museum〞都2點幾，所以去不到我想去的〝手塚治虫紀念館〞，而老公都爭札左好耐放棄左不去〝大阪城〞。



第3日行程：黑門市場→The Instant Ramen Museum→Super Kids Land→大阪鶴見→明治軒

今日的早餐就揀係〝黑門市場〞開餐，呢到有老公鍾意的海鮮，點知佢樣樣都話唔靚，問親佢都話唔食。
我一心為佢，再上我又肚餓，所以我又忍唔住有少少火滾。



我鍾意既赤貝原來係咁樣架！同埋好多超市都有炸物賣。



老公老遠已經見到佢喜歡的龍貓。



由街頭行到街尾，連橫行都行埋佢都話唔食，我忍唔住唔埋佢，我要入去買麵包吃喇！

足知我地每人一個包。

〝海老の大榮〞吃完先知原來書有介紹，可以堂食的，你買左可以叫佢切件，仲有杯茶送架！



帶子、吞拿魚和八爪魚，3樣當中帶子麻麻地。



醫包肚後就出發去〝The Instant Ramen Museum〞即係日清杯麵博物館，亦是係今日重點。

難波(￥230，御堂筋線~千里中央誘向)→梅田(￥260，阪急電鐵寶塚線)→池田(￥260)，出站背住樓梯行右邊，就會見到有書店，再行出去轉左邊直行就會見到轉角有個指示牌，一路向前行就會見到，中途會見到有間〝一風堂〝。






杯麵隧道



整杯麵過程



我估唔到老公既晝功咁好~

我個就一般咁喇！

整完杯麵週圍行下先





呢個不是杯麵廠，而係大家全都是來學整麵，想學要預約，不過就用日語教授。



杯麵自動售買機丫~



杯麵戰利品



3分鐘食得



回酒店放低戰利品，冒住毛毛雨行去睇玩具，但〝Super Kids Land〞冇咩玩具睇，連附近玩具都冇乜好睇。



見仲有時間就去埋比較近的〝大阪鶴見〞Outlet，如果唔係就冇時間去Outlet，去日本點都要去下Outlet，但呢個Outlet真係把鬼，細到死又冇乜野啱，有啲減左價都比香港減價貴，款又騎呢，我只係〝無印〞買左衫比阿B咋！


第一晚搵唔到〝明治軒〞，今晚就搵到，要注意佢逢星期三休息，而last order 21:45。

我梗係點出名既〝蛋包飯〞，餐牌係全日文，但你可以問佢拿個英文餐牌睇，咁就知吃乜。

戰利品