腸胃炎藥

尋日阿媽餵完阿B食奶就要同阿婆去飲茶，咁我跟住接手湊阿B，7點幾起身已經週身骨痛唔舒服唔夠5分鐘就嘔番尋晚食過既野，嘔完仲手軟腳軟肌肉酸痛，我叫阿媽抱阿B訓床仔，我就同阿B訓覺，衰豬眼訓但係係張床到扭來扭去，扭左成大半個鐘都唔訓，最後頂唔順叫左娣婦起身陪阿B訓，我就去左訓

，到10點幾阿B訓醒，玩左一陣頂唔住就叫醒肥仔湊阿B，佢同阿B係床仔玩左一陣去沖涼，因為一陣要返工，過左一陣阿婆返黎，由於阿婆有好多野做，咁我就叫阿婆去做野，我就拎埋個枕頭訓係地下同阿B玩，一路玩又肚餓又唔舒服，真係難頂

。終於等到阿媽返黎有早餐食喇，我食早餐時肥仔就睇住阿B，吃完我打電話比老公同佢講我唔舒服，老公問我要唔要去睇醫生，我話唔駛睇，以我經驗應該係腸胃炎，到大半個鐘我又嘔番個早餐出黎，我真係好肚餓

，但係又食唔落野。最後我叫阿婆幫我煲粥，我又去左訓覺。

我訓醒時阿B食緊粥，咁我咪同佢一齊食，食完同佢玩左一陣，佢又扭我就去開奶，但佢又唔食，相間食粥都成大半個鐘，我就叫阿婆同佢訓覺，而我就自己訓，但係衰豬又係唔訓，我就叫阿婆抱去大床同我一齊訓，唔夠5分鐘就訓左。在睡夢中被電話嘈醒，原來係老公打黎，我同佢講睇醫生，因為我試過唔去睇醫生訓左4日床就好返，但我怕冇人湊阿B，等到老公放工睇醫生，我真係腸胃炎，醫生聲到我今朝嘔番尋晚既野就話我腸胃唔好叫我平時唔好咁緊張，唔好成日鑽牛角尖，開左D藥係會幫我吸氣，但食左D便便會黑色既，返到屋企食藥時，原來其中一粒藥都係黑色架喎！

其實我每隔一段時間就會腸胃炎，我都想放鬆，但好難做到，我都唔知點解，呢D係我習慣。娣婦問過我要唔要佢今日放假，我話唔駛，因為娣婦生左阿B之後為照顧阿B請假比以前多，我唔想影響到佢，更何況明天應該冇事lu。

今日醒左骨冇咁痛，但個肚痛、胃，仲有唔知係咪腸痛過尋日，所以我今日都抱唔到阿B，希望明天會好D。