失敗的晚餐

今既係全牛宴，因為尋日同阿B去左惠康，我見到

肥牛&加拿大牛柳都減價，所以我就放左係我架購物車內，係比錢既時候個收銀同我講─牛牛剛剛返，但因為今晚可能停電所以減價，哈哈...你話我幾好運呢

。

今朝叫阿媽買多一包肥牛，因為我預備煮

金菇肥牛、炒牛柳粒&洋蔥炒肥牛，點解咁多牛牛，因為老公不太喜歡食金菇肥牛，所以煮多一樣炒肥牛。呢幾樣餸好簡單，但點解我話失敗，原因係我覺得全部都唔好食，佢地覺得OK喎，以下係我地既評語。

洋蔥炒肥牛：我覺得味太淡，佢地話好食，老公話你夾埋D洋蔥一齊食好好食，但係我唔食洋蔥。

炒牛柳粒：我覺得個汁甜左D，佢地唔覺甜，肥仔話牛柳太多筋，有筋就會靭，冇筋就OK。

金菇肥牛：我&肥仔覺得個汁有D怪怪地，肥仔話同平時既汁唔同，平時好食好多，點解？因為之前既汁係我自己調教，而今次我係用係吉之島10蚊店買既燒汁煮，冇加任何味，只是打左個茨，但老公&娣婦唔覺得個汁怪。

我地食完晚餐就落左去惠康shopping入貨，肥仔買左焗薯做消夜，到夜晚11點幾我就整左一碗吞拿魚薯蓉比肥仔做消夜。