第一次親吻大地

第一次親吻大地

今日過左去阿哥屋企玩，我地輪流一D睇碟一D同阿B玩，都冇咩事發生，點知到我&大嫂同阿B坐係到玩時，唔知點解我地望一望電視就聽到〝嘭〞一聲，尤如有人好大力用腳踩落地，我望一望原來係阿B個頭撞左落地，我地就拿拿淋抱起佢，阿B哭到出唔到聲，要過左一陣先咸到出聲，梗係又痛又嚇親喇，我睇佢既傷應該係坐係到撞落地跟住向前擦地，條眉&面頰都紅晒，一陣仲要返屋企食飯，大家都諗左好多野預備回答老人家。

回到家一陣老人家發現，問塊面好似紅左既，我地話冇丫，到第2日阿媽都係發現都係紅左，我地都係堅決話冇丫，件事咁就過左骨喇，如果比佢地知道就好煩架喇，平時都已經夠煩！