宜家傢俬 (沙田)

記得有一次睇〝一粒鐘真人蘇〞內阿蘇介紹邊到有好野食，果次介紹既野有2樣係我好鍾意食既，一樣係雞蛋仔介紹左2間，而另一樣係蛋卷，係節目中介紹既蛋卷係我小時候愛吃既牌子，呢隻蛋卷真係好好食，而家我唔見有得買，所以我好開心睇晒阿蘇介紹食野既地方，再計劃一個行程表，跟住就約埋一班朋友仔一齊去。我既心情就好似小學生去旅行一樣，終於到左出發果日，真係出師不利 ─ 落雨。終於果日唯一食到既只有雞蛋仔，但係不是最好食果間，去每一個地方唔係冇堂食就未開檔，而令我最傷心既係心愛既蛋卷仲要係星期日休息

，激死！

點解係前面講大堆野，就係我今次去既地方都係阿蘇介紹，但

非常成功

！又係有一日睇電視阿蘇介紹

燒牛肉、肉丸 & 麵包布甸好食，係邊？就係在宜家傢俬 (沙田)，係我&老公去過幾次多人而冇咩特別，所以我地放棄左去另一個地方食。我見既然係咁就約埋肥仔&娣婦一齊去，順便可以同阿B去街，去到一如以往好多人，心想唔通又係失敗

，好在等左一陣就有位。

我地去到冇理由4個都食燒牛肉架，所以我地有試其他野，我原本食燒牛肉，但太生我同肥仔換轉我食雞扒，但唔太好吃，而牛扒就得，另外肉丸有3個size我地叫左最大有15粒，無論香或味道都好似麥麥漢堡包既牛肉，食到

〝lam lam 脷〞

，而凍蝦&薯條都OK，其他就可以不吃，阿B都食左1/2個薯仔(如圖)，我地都食得好開心，食完仲行左一陣宜家添，我仲有

戰利品添，嘩！今日好開心。

我記得阿蘇講過，有一次阿蘇朋友問阿蘇：

朋友：點解你介紹果間野都唔好食既？

阿蘇：你叫咩野食丫？

朋友：我叫左呢樣&果樣。

阿蘇：梗係喇~你叫果D我都冇介紹。

戰利品 (可能你會覺得"leung"，但我覺得靚，哈哈！)

瑞典凍蝦

炸薯條

香橙雞扒

瑞典肉丸

燒牛肉

意式長通粉