耍樂聚會

今日去朋友屋企耍樂聚會，我地既耍樂就係〝打麻雀〞是也。話明耍樂朋友就冇時間整野食，而我有老公做代表，所以我就可以〝阿茂整餅〞

，我整左8個〝千層麵包〞外，還有包辦了晚餐，因為上次整Pizza時有材料剩低，所以好明顯晚餐係會有

Pizza，另加紅白意粉，可是係我晚餐計劃中出了一些意外，原本得白汁意粉，咁點解會有紅意粉，答案就是大頭蝦的我

lor，係我整Pizza時才醒覺我係用千島醬，而唔係用茄醬，但咁尋日係屋企又預備左茄醬料，點算好呢？我諗大家咁聰明都知道點樣解決D茄醬喇。但係朋友得一個玻璃兜，又冇錫紙兜，點焗丫？好在我醒起佢有個蛋糕模不過未用過，朋友又唔介意我用，咁我就唔客氣幫佢開封啦，所有問題都攪掂，可以開餐喇！

今日真係好熱，我一食完早餐就開工直到開飯前，係廚房內真係〝大汗疊細汗〞，都冇手抺汗，遲D再熱D我都可能要

好似馬咁抖暑，但中途我都打左幾舖麻雀架，果日耍樂邊個係大贏家？好幸運地係我老公，所以流出既汗水都係值得架~~wakaka!!!!

千島吞拿魚Pizza

Pizza醬焗芝士意粉

芝士焗白汁意粉

千層麵包