蒜蓉豆豉鳳爪 (內附食譜)

老公鍾意食鳳爪，次次去酒樓都一定要食既，所以我就整比佢食，等佢想食時都不用去酒樓，同埋我唔鍾意飲茶

，老公都話好味。由於肥仔鍾意多汁，唔鍾意乾淨淨，所以醬料份量比較多，如果你地整可以唔用咁多。

豉椒鳳爪

材料：

已炸鳳爪　            一斤

蒜頭　                    約一整顆

豆豉　                    適量（原粒洗乾淨）

紅辣椒　                 適量

醬料：

柱侯醬　                2湯匙

廣東沙茶醬　        2湯匙

蠔油                        2湯匙

糖                            2湯匙

清水                        適量

生粉                        2茶匙

麻油                        少許

胡椒粉                    少許

做法：

1.            鳳爪買回來，用清水加薑蔥和少許鹽先煲淋，煲淋後取出沖水放涼，再每隻斬成兩件備用。

2.            蒜頭剁成蓉，紅辣椒切成一圈圈。

3.        燒熱鑊落油，爆香蒜蓉，熄火。

4.        加入紅辣椒、豆豉和醬料拌勻。

5.            將鳳爪放入鑊中，炒勻，放於碟上，要吃時大火蒸約八分鐘即可食用。