一起打仗的日子~第2篇

23 April 2007：發燒38.1度 (攝氏)

半夜我見冇野做就落去7-11扭蛋，點知部機壞左，我就買左本BB雜誌，到5點幾由於冇野做，所以眼訓，我就訓左幾個字，到6點幾派粥，我抱起訓緊既阿B，我諗住佢咁胃食放個羹係佢個口到會食，點知佢冇擘大眼就Bu唔食，唯有由佢繼續訓。

醫生巡房睇過阿B話應該係傷風&感冒，如果今日都冇燒，再觀察多一日就可以出院，聽到都開心。(應該唔係阿B個主診醫生，因為名係女，而人係男)

由於娣婦病左，所以今日放病假，佢睇完醫生後買埋早餐比我食，由於娣婦阿媽黎到，叫我回去訓下，所以我食完早餐就回家。回到家中我都冇訓，打電話比朋友了解昨日"Brithday Party"既情況，跟住又整左馬拉糕，但失敗左。我食完飯&白白完就同肥老&阿婆去左醫院，今晚由我娣婦留守醫院，明天肥仔放假，一早我地就去接更。

今日阿B轉床位去左多人果邊，冇咁悶可以同其他媽咪傾計，阿B又成日望住大頭仔媽媽笑，有時又望下大頭仔玩&笑。

24 April 2007 ：發燒37.7度 (攝氏)

早上8點幾就到醫院，娣婦走了，9點幾醫生巡房睇完後提意比阿B放假一日回家，但我唔想走來走去，因為照尋日個醫生講明天可以出院，所以拒絕左(應該係主診醫生)，到中午時娣婦阿媽&二家姐黎到，我就同肥仔出左去食野，回來時阿B已訓左，娣婦阿媽&二家姐好開心講頭先阿B跳舞，我話係丫平時都係咁，我問佢有冇"Joba"，佢地話冇，如果佢地見到我諗仲開心丫

！

晚上8點幾阿B醒左，好眼訓又唔肯訓又扭計，唯有抱住行來行去，到10點幾聽到有人話開奶，我先記得阿B要食奶，雖然食唔晒，但扭多一陣就訓左。

趣事：

我餵阿B食包又請大頭仔食包，大頭仔接過包包後望住媽媽批准先食，大頭仔將個包打橫係中間咬，食法好得意，阿B見到大頭仔食，即刻唔執輸張開口示意要食包包。

25 April 2007

我預左今天出院，所以今曰老公下午放假接我地出院，等到醫生巡房，唔係同我講出院，而又係放一日假回家，因為病房內有好多小朋友發燒，醫生怕阿B被傳染再發燒，如果明天回來都冇燒就可以出院，老公叫我等埋佢先出院，早知尋日放假回家

。我要等護士比藥單我&教我幫阿B"聞氣"係一D擴張氣管氣體，回到家後阿B都冇燒。

晚上阿哥致電問阿B病況，得知安好而且訓左，晚上8點幾阿B醒就致電比佢過黎睇阿B，因為之前話阿B早醒就打比佢。

扭蛋：

係半夜執定野，見到麵包過左期，我走左去7-11買包比阿B食，順便睇下扭蛋機整好未，哈哈~~~整好喇

，我走去扭，真係

〝黃天不付有心人〞，因為每次去7-11我都去睇下部機整好未，一扭就係米奇，我終於齊一套喇！

26 April 2007

雖然昨日我將所有野拎走，但我怕有什麼意外都執左一個手提旅行袋既必須品回醫院，約上午9時回到醫院，今日又係另一個醫生，睇過阿B後話可以出院，等護士比藥單我&住院單據，之前老公叫我唔駛帶野回醫院，好在我冇聽佢講，因為阿B肚餓，食完奶玩多一陣就訓左，我趁阿B訓左就去繳費&拎藥，我擔心阿B醒左，因為繳費處好多人，繳費完我就急急腳去藥房拎藥，回到病房離遠已見醒左，我就跑過去，好在大頭仔媽媽幫我比番個奶咀阿B，真係唔該你丫

。於是我背住阿B、咩住手袋&手拎行李袋，步出病房。

本應想坐的士回家，但肚餓而且我又想阿B曬太陽和吸下新鮮空氣，所以我決定坐小巴去買"麥麥"之後行路回家，實在太肚餓走時係7-11買左個包，預備係小巴時同阿B一齊分享，由於我很少搭小巴唔清楚路線，所以我問車長經唔經我要去既地方，車長話經咁我咪嘟，突然我覺得唔對路，因為距離目的地很遠，我就問車長，居然車長話“你又唔出聲”，我話“咩唔出聲”，車長話“你又唔早D講”，車長就由開線cut去埋線比我落車，我上車前都見到佢同我前面乘客有些爭執，係車上又話車長態度不好，態度好D都話冇咁嬲，你話係咪激死，而家我要再行一段路去搭另一架小巴買"麥麥"，去"麥麥"前去左"惠康"買餸，就係咁拎住3袋野同阿B踏上征途，阿B在回家途中訓左，雖然有些辛苦，但都值得既

。

小插曲：

係我預備走之際，發現阿B痾左臭臭，要換埋片先走得，可能阿B想留D紀念品比醫院掛

。

終於用2篇記錄左阿B今次既打仗既過程，希望阿B既病亦隨著呢篇記錄一齊完結。