今年高妹由台灣返香港過年，佢想去澳門玩下和賭下，高妹就留左年初二與我、老公、熊貓、高遴、YY和高佬一齊過澳門。
我之前做好資料搜集，跟住Plan行程，因為澳門新年有好多地方都唔開，就算有開都要加1%-3%，所以熊貓就打長途去我地將會去的店問下情況。
之前睇阿蘇介紹澳門〝永利酒店〞有表演睇又唔駛錢，成日都心思思想去，但去澳門一啲都唔平，我可以趁今次去埋~正。
我地為左爭取時間，所以坐8點幾船去澳門，落船已感到凍過香港，嘩~澳門得7度咋！好在做好禦寒措施，不過，老公有啲唔舒服，希望佢頂得住喇！
第一站：威尼斯人酒店
我地過關後就坐〝威尼斯人酒店〞的Shuttle Bus去〝威尼斯人酒店〞行下。
來到澳門就梗係去食下葡撻喇！見都有幾間出名，而其中一間〝安德魯〞係〝威尼斯人酒店〞內都有，所以去試下，味道都係一般咁喇！
YY仲買左件芝士蛋糕，佢同高佬都話好難食，我整的比她好好多，跟手我地都斌過真係唔好吃，所以我都冇影相。
安德魯
地址：澳門路氹城金光大道望德聖母灣大馬路威尼斯人度假村酒店2119A舖
第二站：永利酒店
由〝威尼斯人酒店〞坐Shuttle去另一間酒店(忘記左名)近海邊的，我地起動行去〝永利酒店〞。
睇下呢條馬路一架車都冇幾靜，途經〝西灣安記〞豬扒包都好出名，可惜新年唔開。
幾經辛苦兜兜轉轉就去到〝永利酒店〞， 表演場地位於酒店中庭，即由大門口入行前幾步，抬頭就會見圓頂鑲上栩栩如生的12生肖雕塑，跟手就可以企定定等睇表演。
我地睇完富貴龍等左一陣都未有吉祥樹睇，我就去問人，職員話〝富貴龍〞蹙個鐘踏正就會出現，而〝吉祥樹〞就踏半，所以我地離開去食野，夜晚再回來睇〝吉祥樹〞。
永利酒店
地址：外港填海區仙德麗街
*吉祥樹和富貴龍-10:00-0200，每30分鐘輪流上演。
富貴龍：金龍長28尺
吉祥樹：用左九萬八千片24K純金及黃銅薄片組成。
好有新年氣氛
係議事事前地直行見到周大福轉入去，就係〝大豐銀行大廈〞一路前行就找到。
金馬輪咖啡餅店
地址：新馬路營地大街50號
門口有好大個麵包，呢個麵包當時好哄動買晒報紙。
西餅真係好舊式，豬扒包和奶茶都話係馳名，另一張枱係食麵，所以冇影，整體一般。
食完行去大三巴真係超多人丫！
大行來原來搬左去大三巴附近
牛記咖哩美食
地址：澳門十月初五街一號地下
蟹黃撈麵、蟹黃雲吞撈麵，蟹黃少左好多，老公病就吃粥，就勁多味精，整體都差左。
去咁多次澳門都唔知有個〝消防博物館〞，見到本書有介紹，所以就去睇下，間野超細不用10分鐘已行晒，又冇野睇不去也吧！但兩個館理員都好好人。
消防博物館
地址：連勝馬路2至6號
開放時間：10:00-18:00;星期六、日及公眾假期照常開放
之前book左7點去吃晚飯，但行程早左完，所以去改早點吃，因為未夠鐘做夜市，然後就去左附近的禮記坐下食雪糕打發時間。
禮記雪糕
地址：荷蘭園大馬路12號地下
開心果之前來過〝富仕葡式美食〞，覺得食葡餐來講價錢平民化和好食，我又問過同事都係介紹呢間，大家都好滿意呢餐，下次我都會再來。
富仕葡式美食
地址：荷蘭園羅憲新街16號地下
葡汁焗四蔬
焗芝士蝦依麵
薯蓉馬介休：好味，但食食下有魚骨。
蒜蓉包
燒雞釀飯
芥末焗羊扒
沒有留言:
發佈留言