星座冰室

記得十多年前摯友M小姐生日，我知道香檳大廈有間〝星座冰室〞的紅豆冰很有名，所以這裡是慶祝其中一站，不過我不吃紅豆冰的。

近日換了一本搵食的書，介紹其中一個地方就是這裡〝星座冰室〞，本書話不用茄膏而用新鮮番茄煮製，而且相當慷慨，鋪滿整個碗麵，老闆話一日用50斤番茄之多。雖然我地都不吃紅豆冰，但我地都好鍾意食番茄，所以想帶老公去試下。

今日有機會喇！因我有事要出尖沙咀，而且係香檳大廈附近辦些事。我與老公都覺得好，下次會再來。

西多士：好吃，而且糖漿冇加水，所以好杰比較難倒。

番茄牛肉麵：起初吃覺麻麻、一般喇！但食食下又幾好啵！真係成碗都佈滿番茄，牛肉又好吃。

奶茶：有茶味，甜度適中，老公話比〝蘭香園〞仲好。

星座冰室

地址：尖沙咀金巴利道香檳大廈地庫36號
電話：2724 4408
時間：8:00am - 9:30pm (星期日休息)