泰農泰國菜館

我地去完〝東平洲〞影相，因有加班船，所以比預期早離開，出到來都係5點幾都唔知去邊，大家又唔知食乜，所以肥阿哥提意去九龍城食晚飯。

高佬就帶我地去一間泰國菜館，可惜係要訂位，walk-in係冇位既，咁我地就求其揀左這間泰國菜館，但水準都係一般。呢餐7個人食左千幾蚊，覺得唔多划算。

男仕們緊係要啤一啤喇~

阿嫂和YY都飲椰青~

我就揀〝泰式石榴子冰〞，以為有特別，原來又係不外乎果幾樣野，早知叫〝紅毛丹冰〞好過。

酸辣靚湯

酸辣靚湯：唔夠酸和辣。

青木瓜沙律：佢地話好味。

生蝦

雜錦併盤：蝦餅、魚餅、春卷、香葉包雞

香草粉絲蝦煲：男仕們話粉絲好吃，但女仕們就覺得一般。

香草粉絲蝦煲：蝦放底焗得太耐~鞋。

麵包咖哩蝦：以為係蝦放在麵包內，但原來唔係。

麵包咖哩蝦：自己砌的。

砵酒雞翼：個餸名應該改做〝酸甜雞翼〞合襯好多。

香茅胡椒雞柳

馬拉盞炒貴妃苗

菠蘿炒飯：味道~好。

菠蘿炒飯：睇下個內籠幾深，食極都有。