南生圍

尋日肥阿哥搵我去〝白泥〞影相，可惜要煮飯比老爺吃，所以冇去到。我見肥阿哥影既相好靚，又有陽光、雲又攪靚，冇去到真係可惜，不過，肥阿哥話遲D會去〝南生圍〞，真係好嘞！

今朝收到肥阿哥電話，佢一陣去〝南生圍〞影相，〝白泥〞和〝南生圍〞都係我想去既地方，我就緊係去喇！於是就約埋高佬、高達，但係高達要返工。大家去肥阿哥家等，肥阿哥一 次過車我地入去。

首先入天水圍join肥阿哥朋友，然後再落元朗join多一個，然後就出發〝南生圍〞。我地去左成日拍戲既橋和〝導火線〞中甄子丹打得好勁既屋。

影左咁多幅最鍾意呢幅。

大家望到條橋都〝O〞晒嘴，因為冇想像和平時睇相咁大。

呢間屋中間已有好大條隙縫，可能就倒塌。

 

呢間就係〝導火線〞果間屋。

從窗望出去就係〝Yoho Town〞。