今日娣婦帶左阿B來我家，然後夜晚一齊回娘家吃飯，在等既時候肥阿哥來電，佢一陣來車我地回他家吃〝牡丹蝦〞，我地一齊吃過lunch後，就陪阿B去公園玩。
肥阿哥既〝牡丹蝦〞真係好大隻，差不多有我手掌咁大。
全部蝦排得整整齊齊等阿嫂開刀，蝦唔止大隻，仲有好多膏，不過我唔吃膏，因為覺得好邋遢，但佢地就話好甘。
2010年1月30日星期六
2010年1月28日星期四
原味牛油蛋糕 Original Butter Cake (內附食譜)
今日起身頭和肩頸都好痛，所以諗住整下蛋糕來麻醉一下，但係做出來與我想像中有出入，唔知係我做法有問題或是其他原因。
我睇書這款蛋糕感覺係實的，但我做出來居然有蒸蛋糕的感覺，所以都有D失望。不過，我都有少少預左，因為這食譜係全蛋法，若果分蛋可能會好D。
書中係用類似紙包蛋糕模，然後將蛋糕紙放入去焗，與我的紙模有別，所以我做完試驗後，若用這款約7cm直徑紙模，麵糊就要約7成高就可以，可以做到約9個。
蛋糕凍左之後我又食左少少，原來凍食好過熱食，凍食冇咁似蒸蛋糕既口感喇！
原味牛油蛋糕 Original Butter Cake
食譜來自：專業麵包甜品製作
材料：(14 cupcakes)
雞蛋 227克
砂糖 170克
牛油 227克
麵粉 227克
泡打粉 1/2茶匙
做法：
1. 牛油置室溫放軟，加入砂糖，用打蛋器打起。
2. 間中用膠刮將牛油刮回中央。
3. 打至鬆軟和淺奶白色，將蛋分2-3次加入繼續打勻，間中用膠刮將牛油刮回中央。
4. 麵粉和泡打粉一起篩入，加入牛油漿中拌勻至無粉粒。
5. 蛋糕模內放入紙杯。
6. 將牛油糊平均放入蛋糕模內。
7. 放入預熱180度焗爐，焗約20分鐘。
整後心得：
l 若果用我這款紙模直徑約7cm，麵糊約7成高就可以。
l 我用190度焗27分鐘，因為我用的模比書的高身。
2010年1月26日星期二
饅頭 Steamed Bun (內附食譜)
近排成日都想整下野，但又的唔起心，唯有整D簡單既野先，最簡單就係〝饅頭〞，又唔駛用打蛋器，又唔駛開焗爐。
以前都係整迷你，今次就整大size既，雖然賣相唔得表面好似蜂巢，但係係最好食和發得最大的一次，內裡組織靚，而且又唔黏牙。
我都係用返之前個食譜〝饅頭〞，份量只係用左1/4，得我一個食唔整咁多，這份量可以整到2個手板咁大既饅頭兩個，但因為size唔同左，係蒸既時間有所改變。
睇下發大左幾多。
饅頭 Steamed Bun
材料：(手板Size~2個)
麵粉 151克
糖 28克
依士粉 2克
泡打粉 2克
水 57克-66克
做法：
1. 將已篩之面粉加入其他材料搓成麵糰。
2. 放入膠袋內每隔15分鐘拿出來反搓，約2-3次後麵糰搓至軟滑後切件。
3. 於蒸籠內用布蓋面再發酵約1小時。
4. 最後發酵完成，蒸20分鐘 (視乎大小而論)。
整後心得：
l 我會用熱水30-40度座住來發酵，若天氣熱就不用。
l 水份要視乎天氣，不要一次過加晒，逐少逐少的加。
l 麵糰係比較乾身，加晒食譜水份都未能成糰，就可以再加少少水，但緊記都係要逐少的加，只要剛好搓成糰就可以。
l 將麵糰放在碟上，然後用膠袋封好，再放入有暖水的鑊內，作最後發酵。
l 可能係最後發酵得太勁，饅頭表面好似蜂巢咁。
2010年1月25日星期一
迷你煙肉磨菇Pizza (內附食譜)
老公唔鍾意食Pizza，所以我兩年幾冇整，果時整都係與同屋住一齊住，我與她的老婆吃。
上星期我已計劃今日整一個迷你Pizza作為我的lunch，可以我由3點整到5點幾先有得食，所以都唔知係lunch好，抑或晚餐好，但點都唔緊要，因為好脆好味，我將個Pizza底整得薄過平時。
煙肉磨菇Pizza
材料：(1人份~5吋薄批1個)
高筋麵粉 18克
低筋麵粉 33克
鹽 1克
糖 1克
牛油 5克
依士 1克
溫水 28克
餡料：
茄醬 適量
煙肉 3塊
磨菇 (細) 1/3罐
芝士碎 適量
做法：
1. 依士與溫水拌勻。
2. 其他材料同放盆內，之後加入依士水，再用手將所有材料攪勻。
3. 用手拉開時成薄膜狀即大功告成。
4. 盆內塗上一層薄固體菜油或溶牛油。
5. 將已搓滑的麵糰放入盆內，蓋上保鮮紙(以防表面乾硬)。
6. 將整盆麵糰放入另一個注入30℃-40℃溫水的盆內，發酵後的麵糰約成原來的2.5-3倍大。
7. 將麵糰拍扁拉闊，約8吋圓形大。
8. 放在已掃油的焗盆上，塗上茄醬，蓋上保鮮紙作最後發酵，約30分鐘。
9. 白鑊爆磨菇，然後再加入煙肉同炒。
10. 放上煙肉、磨菇，最後撤上芝士碎，放入預熱240℃焗爐，約焗12-15分鐘。
整後心得：
l 用煙肉的話，就要炒一炒，因為焗既時候會出油，會令Pizza好水汪汪。
l 我冇芝士碎，所以用一片芝士撕碎，都一樣得。
2010年1月23日星期六
煙肉磨菇茄汁芝士意粉 (內附食譜)
尋日開始老公又開始要O.T.，所以今日佢都要返工。原本今晚約左去肥阿哥家BBQ，但天文台話今日會落雨，所以尋日決定取消，又要諗下晚餐吃乜。
尋日煮個〝茄汁芝士雞中翼〞開左盒清雞湯，阿嫂又話個汁煮意粉好，咁不如就煮意粉喇！
我將個食譜加D、改D就煮好喇！因為老公唔鍾意食酸，所以改左冇咁酸。我加鮮奶係因為之前開左想用埋佢，這個味濃D，所以唔吃濃味就要將份量減少。
煙肉磨菇茄汁芝士意粉
材料：(2人份量)
意粉 2人份
煙肉 6塊
磨菇 (細) 1罐 (113克)
蒜頭 (切粒) 2湯匙
洋蔥 (切粒) 2湯匙
清雞湯 300毫升
鮮奶 100毫升
芝士 6片
茄汁 7湯匙
鹽 1/4茶匙
Parslery 1/2茶匙
做法：
1. 爆香煙肉、磨菇，盛起。
2. 蒜蓉、洋蔥爆香，再加雞湯和鮮奶。
3. 加入芝士攪至溶，然後加茄汁。
4. 將烚熟意粉加入炒勻，再加入Parslery炒勻，即成。
煮後心得：
l 若不加鮮奶，就不用加鹽。
l 若不喜歡濃味的人，就要試味，然後自行調教。
2010年1月22日星期五
茄汁芝士雞中翼 (內附食譜)
我每日都會睇都市閒情〝今晚食乜餸〞，而且仲會錄低添！就係上個月，李錦聯都教煮呢味餸，睇完之後好想整，但份量太多平時煮唔到。
今日我要回娘家湊阿B放學，咁我就趁機煮，有多幾個白老鼠試食，又可以聽多D意見。
我：覺得都OK，冇喼汁，但有喼汁味，都有少少特別既。
姊婦：好味。
阿嫂：呢個汁可以用來煮意粉。
肥阿哥：冇發表意見。
肥仔：佢唔舒服吃粥，但佢話聞到碟野好酸。
茄汁芝士雞中翼
食譜來自：李錦聯~都市閒情
材料：
雞中翼 1斤
醃料：
生抽 2茶匙
生粉 2茶匙
雞粉 1/2茶匙
麻油 少許
胡椒粉 少許
汁料：
蒜蓉 1 1/2湯匙
清雞湯 3/4量杯
芝士 4片
茄汁 4湯匙
混合香料 1/2茶匙
做法：
1. 將雞翼用醃料醃一陣。
2. 雞翼煎之前灑少許生粉。
3. 用慢火煎一次，然後再煎多一次，盛起。
4. 蒜蓉爆香，再加雞湯。
5. 加入芝士攪至溶，然後加茄汁。
6. 將雞翼加入汁內，轉小火再蓋上蓋焗一陣。
7. 混合香料加入雞翼中，再蓋上蓋焗一陣，即成。
2010年1月21日星期四
2010年1月20日星期三
2010年1月17日星期日
泰農泰國菜館
我地去完〝東平洲〞影相，因有加班船，所以比預期早離開，出到來都係5點幾都唔知去邊，大家又唔知食乜，所以肥阿哥提意去九龍城食晚飯。
高佬就帶我地去一間泰國菜館，可惜係要訂位，walk-in係冇位既，咁我地就求其揀左這間泰國菜館，但水準都係一般。呢餐7個人食左千幾蚊，覺得唔多划算。
男仕們緊係要啤一啤喇~
阿嫂和YY都飲椰青~
我就揀〝泰式石榴子冰〞，以為有特別，原來又係不外乎果幾樣野，早知叫〝紅毛丹冰〞好過。
青木瓜沙律：佢地話好味。
生蝦
雜錦併盤：蝦餅、魚餅、春卷、香葉包雞
香草粉絲蝦煲：男仕們話粉絲好吃，但女仕們就覺得一般。
香草粉絲蝦煲：蝦放底焗得太耐~鞋。
麵包咖哩蝦：以為係蝦放在麵包內，但原來唔係。
麵包咖哩蝦：自己砌的。
砵酒雞翼：個餸名應該改做〝酸甜雞翼〞合襯好多。
香茅胡椒雞柳
馬拉盞炒貴妃苗
菠蘿炒飯：味道~好。
菠蘿炒飯：睇下個內籠幾深，食極都有。
東平洲@野餐篇
〝東平洲〞在我中學年代已去過，當時地理科阿Sir帶十至二十個學生去兩日一夜，我地仲去睇日出，可惜等左好耐都唔出，唯有走人，頁岩濕水就好跣，所以迪迪媽不小心扭傷腳，真的天意弄人我地走到一半太陽就出來了。
今次再去係想尋回當時的地方和回憶，記得有個死湖，而湖中央又有棵死樹，等日出既地方，可惜一一都搵唔到。
多年前我去過，加埋上年老公同事去過〝東平洲〞行山，據同事消息果到只得餐蛋麵，仲要係30幾蚊碗，而且係售完即止，所以尋日我地就約埋去買乾糧。
我地行下又食下野，到影完相和行完山先知，果到有2、3間士多唔止有餐蛋麵，又有小炒、豆腐花、砵仔糕‧‧‧。
〝東平洲〞每日來回都係得一班船，但有時都會有加班船既，不過就要視乎情況嘞！係由一間〝翠華船務〞負責的，來回船費90蚊，她的網址：http://www.traway.com.hk/
船班次：
上午9:00 (馬料水開出)
下午5:15 (東平洲開出)
阿嫂整左魚蛋，四洲魚蛋好彈牙。
我地既乾糧~
我忘記左帶刀，所以唯有用牙籤當刀。
訂閱：
文章 (Atom)