今朝我與老公零晨2點幾先回到家中，點解會咁早？去左邊？其實，大家都傾到意猶未盡，但係高達叔叔今日要返工，仲要返7點，加上舖頭差不多打洋，所以唯有下次再繼續。
今次聚會我都算是發起人，大前晚與熊貓姐姐食晚飯時，突然想起榴槤，因為老公唔吃，平時我都冇得食，所以就相約熊貓姐姐今日到家中吃和行街。咁我又想去〝大角嘴~良記〞，所以當晚又約埋其他朋友一齊係尋晚聚一聚。
尋日老公不用上班，即係我與榴槤又無緣。老公與我一齊搭巴士，但我比他早落車，再轉小巴去熊貓姐姐家，老公去老爺家辦些事，才來與我地會合。
我地行左一陣街老公就到，大家都去醫肚先，當時都3點幾要食茶餐，其實大家由今早到現在先吃東西。跟住繼續行街，我與熊貓姐姐都買左一件同款不同色的衫，而且相約某一日一齊著添啵！同屋住一家四口都來熊貓姐姐家坐下，然後一齊出去。
我地7點出門口，落車後再行10分鐘到〝大角嘴~良記〞，見到門口有好多人，我既汗不斷在我身上爬行，好在話等多5分鐘就入得啫！但因唔夠人手執檯，等左唔止5分鐘。我地坐門口張檯，所以唔係好感覺有冷氣。
大家邊食邊傾，到尾升時仲講回大家係小學時寄宿的事，佢地都係在〝調景嶺〞寄宿，熊貓姐姐是原居民，所以就不知道佢地當時的慘況，我覺得佢地比而家〝內地寄宿軍訓小朋友〞更慘，但都有開心事，又有百厭事，全間最嘈吵就係我地。
高佬叔叔提出現在北上按摩，但大家都冇準備，所以大家傾好今個月會北上一次，到時我一定會再去〝廚安居〞逛下。我地8點鬆D入坐，傾到1點幾先走，佢地都唔知飲左幾多支酒，多到數都數唔到。
今次冇上次咁好，食物質素差左，但服務依然咁好，仲好殷勤招待添！講左下次再食火鍋就去熊貓姐姐樓下的〝稻香〞，好掛住個〝沙嗲湯底〞。
〝豬骨煲〞有好多材料，但我聞到豬膻味。
大家都吃〝豬骨煲〞，唯獨是我與高佬女友不吃，所以另外叫多個〝沙嗲湯底〞，這湯底鹹得很，要盛起D再加水，才可以入口，沒有沙嗲香，不及上次〝稻香〞的好。
舖下貼著Poster寫了〝大象拔蚌〞，但前面圈住〝特〞，所以唔知佢意思係〝特價〞OR〝特大〞，anyway$350大家都覺得抵，所以order左一隻做刺身。
仕應話這是〝脆骨〞，剛好放在我面前，我見到它就想嘔，不是我唔吃魚的原因，而是好肉酸，連吃魚的熊貓姐姐都話肉酸，不過人人都話好脆好味道。仲有其他食物，但太普通，所以冇影相。
沒有留言:
發佈留言