上海街‧二德惠‧十蚊店

今日我又要去尖沙咀做Facial，做完後我係短短2個幾小時行左好多路，亦都買左好多野，然後3點幾回到娘家，再煮個麵吃，攤抖一陣再去湊阿B放學。

我由尖沙咀行去上海街，我想買個蛋糕模，可惜搵唔到，又見就到中秋，月餅模又平，所以就個大模。阿公鍾意食〝五仁〞，所以買個大模諗住整比佢食，不過我仲未搵到食譜，大家若然有食譜，可否告知呢？謝謝~

頭先又途經之前不開心既地方，我唔鍾意個感覺，雖然都有唔開心，但今次感覺比上次好〝途經的不開心〞。

我行去〝二德惠〞時，可能邊行邊諗野，所以行過左籠都唔知。我買左澄麵，遲D又可以整〝豆沙煎餅〞比阿公食，尋日佢好鍾意食。

我係〝吉之島~十蚊店〞搵到咖哩磚喇！

晏晝行緊街時，老公來電叫我今晚整野食，佢又叫我諗，咁我就整〝冷麵〞，大頭蝦的我係〝十蚊店〞買左紫菜唔記得加落冷麵到。突然想食雞腳，老公放工買比我吃。