失手於多人晚餐

大前日〝結婚5週年〞老公都要開O.T.，只是煮左一餐比佢吃，我諗住今日可以去下街補回果日既不足，點知‧‧‧尋日老公公司出左D事，所以今日都要返工，咁都冇法搵食嘛！

下星期六係阿嫂生日，諗住下星期搵日同阿嫂吃餐晚飯，而家既然如此擇日就不如今日煮餐比阿嫂吃喇！尋晚約好晒，而我又諗定煮〝肉醬意粉〞，再加多個〝羅宋湯。

晏晝我與娣婦和她的同事去左吃〝麥麥〞，因為我與她的同事都要換杯。我地要買〝麥麥〞外賣給肥仔，但我欠的顏色呢間冇，我打左去另一間想要的顏色有貨，所以吃完娣婦陪我去買餸，然後再去另一間買。

前日老公幫我換左一隻，尋日高佬叔叔又幫我換左一隻，而今日又有3隻進賬，我見還掂欠1隻，我就再買多個餐，所以而家就齊一套喇！

我去到肥阿哥家立即開工，肥阿哥話會多4個人來，而其中兩個唔吃牛肉，弊嘞！〝肉醬意粉〞係牛肉架啵！諗~諗~諗~咁就整兩款汁喇！肉醬和鮮茄磨菇。

早上我整〝老婆餅〞，可惜原來不是每人都歡喜，阿嫂和Benz老婆都唔鍾意吃，其他人又掛住傾計，所以最後都係由娣婦幫我拿回娘家。

我不想客人等得太耐，所以今餐味道非常失準，肉醬味道淡、意粉淋左D、鮮茄酸，但我與娣婦都唔覺得酸。我見肉好似好多，所以拎左一D整〝漢堡扒〞，因為臨急整冇肥豬肉，煎完有D〝鞋〞。

今餐真係好失敗，大家都安慰我〝要煮咁多個人，係會失準〞，其實今餐係要煮10個人的份量，我都好耐冇煮咁多人既餐，真係有機會要練下。