京阪神 Day1@2011

前兩日已完成左我人生中其中一個大Project~擺酒，可能會覺得奇怪結婚那麼不是已擺了，但有睇開我個Blog就會知點解，所以我都不加解釋。

今次去自由行去〝京板神〞，亦是我與老公的Honeymoon，其實，我一向Honeymoon都不想去日本咁行，但我又想係有BB之前與老公去一次日本，所以今次唯有揀去日本，不過，東京危險，咁就揀左去〝京板神〞。

老公有個朋友早我地2日擺酒，而且Honeymoon都係揀去〝京板神〞，最巧合就係大家都係同一班機，不過，佢地就係join團，所以我地就約埋一齊食早餐，而且我調動左其中一日行程讓大家可以見面，佢朋友仲專登出左個智邐電話方便聯絡，不過，原來日本Wi-fi不是咁普遍，我住果間酒店就冇。

 

現在展開一連6日的〝京板神〞之旅

 
飛機餐都ok

落機、過關、取行李，然後搭lift上一層，行出去過天橋就會見到〝關西空港駅〞。

入到駅左手邊有售票處和售票機，我地間酒店係〝難波〞，果到有部售票機係專由〝關西空港駅→難波〞￥890，我地冇揀到〝南海電鐵特快rapi:t〞，因為快約10分鐘，但就貴￥500，覺得唔值，以下是去難波兩個方法：

1) 南海電鐵車海線 (空港線~空港急行)(￥890，約45分鐘)：難波至機場約48分鐘，關西國際機場→ヾんくうタウン(Rinku Town)→泉佐野→貝塚→岸和田→春木→泉大津→羽衣→堺→天下茶屋→新今宮→難波

2) 南海電鐵特快rapi:t：(約34分鐘)￥1390

我地入住〝Hotel Vista Grande Osaka〞，係迪迪媽介紹，呢間酒店房夠大，開左2個喼都仲可以行到，而且由酒店去〝心齋橋〞很近，步行十幾分鐘就到。

我地下午3點落機，去到酒店都5點幾，擺低行李就爭取時間出動。

原本去〝明治軒〞吃晚餐，但係搵唔到，最後去左冇諗住去的〝はなまるうどん(Hanamaru)〞，烏冬好吃可以一試。

呢到買野食形式好似香港〝Ikea〞咁。



食飽飽就行下〝心齋橋〞



呢間藥房係我呢幾日都會去的地方

我和老公決定行完成條〝心齋橋〞，雖然有好多舖都陸續關門，但我地都仍然不停行，見到有野食就試，呢個幾得意，味道都OK。

 

途中見街邊有架貨車買生果，老公鍾意食柿，我就買￥450一個柿，但原來￥450~4個，柿又甜又好食。



終於行晒



行番轉頭見到我地都鍾意食的〝Mister Dount〞，明天一早要起身，就買來當早餐吃。


行返出去〝心齋橋〞，吃我最鍾意的〝魷魚波波〞，搵不到出名果間，就試呢間，但大家千祈唔好試。



〝金龍拉面〞係24小時，order左一碗share。



戰利品