薯仔燜五花腩 (內附食譜)

每次老爺做節來吃飯，我都會煮五花腩，係唔健康，但唔係成日食唔緊要喇！

今日與老爺食團年飯，我原本跟書煮，但有些材料我又冇，買左又用唔晒又怕嘥，而且調味又冇份量，所以都係自己加D野，再隨自己心來煮算吧！

老公話入味，但就肉質靭，老公又話冇事，可能因為我用急凍五花腩，因為買少少費事去豬肉檔買，點知去街市買菜，原來豬肉檔一早就收左，都好在啫！但大家記住要用新鮮丫！

薯仔燜五花腩

材料：

五花腩                     0.65磅

馬鈴薯                     2個

蒜頭                         3-4粒

紹酒                         1茶匙

調味：

生抽                         3湯匙

老抽                         1湯匙

冰糖 (切碎)             1湯匙

鹽                             1/4茶匙

蠔油                         1湯匙

水                             500毫升

做法：

1.          豬腩肉洗淨、汆水，切塊。

2.          馬鈴薯去皮，洗淨，切塊。

3.          燒熱油，馬鈴薯略炸，盛起，瀝乾油分待用。

4.          用少許油爆香蒜頭，加入豬腩肉炒勻，灒酒，再炒勻。

5.          加入馬鈴薯，再加調味(水除外)，略拌再加水。

6.          用猛火煮滾，轉慢火燜30分鐘即成。

煮後心得：

l          燜既時候要間中攪下，因為薯仔會爛令汁稠易黏鑊。