一早外出

今日好忙一早出左去，拎部細DC去維修，過左保養要差少少就過千蚊，索性買部新好過。今次又係相機鏡頭壞，維修人員話係正常耗損，唔關我事架！

 

跟住就去左〝吉之島~十蚊店〞買野，再去睇〝新相機〞(格價)，然後去〝二德惠〞入貨，尾站去〝上海街〞Shopping，真係好充實。

 

 返到屋企兩架〝車立〞都暫停，可能因為潮濕要〝看更〞人手控制~嚇得我丫！因為我拎住3袋野，又行到腳仔有D軟。尋日正因太潮濕〝車立〞驚鐘誤嗚左幾次，到而家都未整好。

 

今晚老公又可以回來吃飯，晏晝出街又熱又濕，我都唔想煮飯，所以就煮冷麵老公吃，我自己就食薯蓉。

 

另外，我仲整左兩隻〝D.I.Y. ※經典聖安娜蛋撻〞，我喉嚨痛全部讓給老公吃，我聞到陣陣蛋味。