老公幫人、我得益

美味〝冬陰公〞~

原定上星期六，老公同事約好老公幫他搬櫃、拆櫃、嵌櫃，我一聽到就即刻問老公：「你同事老婆會唔會煮

〝冬陰公湯〞架？」老公話唔知

。因為老公之前做過

〝傢俬〞Sales，所以朋友有關這方面的事宜都會找老公幫手，但因同事的〝網球手〞病發，所以改期今日行動，可是他的手還未好，所以搵多左一個同事幫手。尋日我都有問多一次會唔會煮？答案一樣，但就會叫〝Pizza〞食

。

〝冬陰公〞材料~

大家見面打招呼後，就開工，我坐在梳化上睇電視時聽到同事問太太幾時煮

〝冬陰公〞~我真是開心不矣

，我想學好耐，基於同事太太是

〝泰國人〞

又很怕醜，突然要教人又唔知點溝通，所以我都唔好意思話學，所以‧‧‧。突然門鐘響起，原來是同事的姨生仔，他來預備今晚睇波兼幫手。過了一陣，老公與同事由房出來，老公問我：「你唔去學？」，我即刻問同事我可唔可以學？當然可以，我就用廣東話與低B英文與同事太太溝通，我初初見她是不懂廣東話，現在進步了不少。我問她：「是不是每個泰國人都識煮

〝冬陰公〞？」她說：「我以前唔識煮，但老公愛喝，所以問朋友教煮。」她一邊煮一邊教，我就一邊學

，但我感覺到她非常緊張。

我：「係咪好驚講錯廣東話，怕人笑？」

同事太太：「係！怕人笑我。」

我：「我都明白，正如我講英文一樣，都係怕人笑唔敢講。但好多人都話廣東話是好難學，因為不用卷舌的。」

煮完後我試味，再加點鹽&檸檬汁，到她試味~她覺味已夠，但又不停問我OK唔OK？見她十分緊張很擔心唔好味，所以我再次試味，我覺得淡，可以再加多少少鹽，但她的心〝15、16〞，我說：「我吃的味道比較濃。我唔知佢地食清淡還是濃，味道妳自己OK嗎？」，最後都是沒有加鹽就上碗了。

我最喜歡睇老公〝打桌球〞&幫人整〝傢俬〞，因為我覺得這時是老公最

的時候，所以我站在老公附近看著他整櫃，但

〝桌球〞老公太耐沒有玩，已經〝屎〞左好多，我不只是睇，我都有幫手架。佢地要在晚上7點前完成，因為19:45有〝曼城vs.紐卡素〞，我地一邊食Pizza、飲住美味〝冬陰公〞睇波。他們品嚐過〝冬陰公〞後都說淡，後來再加左鹽，真的好味很多。在食Pizza前我飲了2碗，發現加了鹽再浸一陣更加好味，好像是街的一樣，我是飲得最多的一個，喝了6碗之多。但我地只吃了2個Pizza、1.5個小食拼盤、半條蒜蓉包已飽飽

，所以各人都要認投飯或意粉，我與老公要意粉。

豐富晚餐，還有些沒有影。

我地睇完〝

曼城vs.紐卡素〞後，同事姨生仔沒有睇22:00的〝韋根vs.利物浦〞就走了，我地當然繼續留守，到中場休息我見同事睇得好開心，所以23:30我地與另一個同事才走。落到樓下同事打黎，原來我地忘了拿飯、意粉回家，折返樓下等同事拎落黎。

我又向老公回報下午5點幾〝同屋住〞找你

，他想我地去他新屋行下，我又與他約好了明天搬屋事宜，並代他約好了幫手搬屋的朋友們。不過，有冷氣但還未安裝，但

〝同屋住〞話果到好涼好大風，還有要搬一層樓梯，因為電梯維修要到明年才完成工程。

今日除了學到煮〝冬陰公〞外，同事還送了戲票coupon給我們睇戲，真係又食又拎~有點唔好意思添。