豉椒炒排骨 (內附食譜)

阿媽原本係〝豆豉蒸排骨〞、〝青椒炒牛肉〞，但係成日都煮蒸排骨，所以我改左為〝豉椒炒排骨〞、〝菜心炒牛肉〞。我從來都未煮過〝豉椒炒排骨〞，唯有上網搵，我集合了2個食譜，再加自己的做法，就完成左下面呢碟〝豉椒炒排骨〞。老公話味淡了些，但娣婦話味道〝OK〞。

豉椒炒排骨

材料：
排骨                    $20

洋葱 (切塊)        1個

青椒 (切塊)        2個

豆豉                    一湯匙

蒜蓉                    一湯匙

乾蔥                    半粒

醃料：

豉油                    一湯匙

老抽                    少許

糖                        半茶匙

粟粉                    半茶匙

紹洒                    一茶匙

麻油                    少許

油                        少許

胡椒粉                少許

調味料：

水                        半碗

糖                        少許

鹽                        少許

老抽                    少許

紹酒                    少許

生粉                    少許

做法：

1.           先將排骨用醃料醃半小時或以上。

2.            熱油鑊，將蒜蓉、豆豉、乾蔥爆香，加入排骨爆炒，盛起，備用。

3.           將洋蔥爆香後，加糖、老抽略炒，再加入青椒炒至半熟。

4.           將排骨倒入鑊與洋蔥、青椒同炒勻，加水半碗水、紹酒炒勻，蓋好蓋焗約3分鐘。

5.          調味後，〝打獻〞炒至收乾水份即成。