老公~你係粗心、細心定粗中帶幼呢？

我話個魚缸好迫、好多珊瑚，肥仔話係丫~肥阿哥養緊珊瑚。

老公未搬之前，由於地方不多，所以我的蛋糕用具全部都係存放在我家中，而焗爐存放在老公那邊。現在我想將整蛋糕用具拎去新屋，之前都有對老公提過，但係間屋原本有些野，再加上老公搬去既野，雖然沒有拆箱，所剩的地方不多，我都唔知擺邊到，因為我想D野歸一些，我不喜歡亂七八糟，所以我冇再提。

尋日我地與〝同屋住〞一家吃完飯後，回到家中老公對我講明天去買個膠箱裝起我整蛋糕用具，順道我要拎對鞋去修補，我聽到後開心到不得了，原來老公記得我講過架喎！

早上阿媽打黎問我地回家吃飯嗎？老公未起身，一陣問左才回覆你。你肥阿哥與阿嫂回娘家吃飯，咁肥仔呢？佢未知。過了一陣，阿媽又再打黎問如何？

阿媽：我要買送，返唔返？

我：未知，老公未起身。

阿媽：咁不如唔好返。阿婆今晚要聽歌。

我：咁唔返。

不夠3分鐘電話又響起

，原來肥仔&娣婦在診所打黎，問去唔去肥阿哥到？我叫佢地問左肥阿哥才打比我。因為阿B流鼻水要去睇醫生。掛線後，老公隨即彈起身，即刻問阿B係咪發燒，我話唔係，有少少感冒。老公刷牙洗面再上網一陣後又呼呼大睡了。阿B睇完醫生後肥仔打黎，肥阿哥冇問題，咁你幾時黎丫？定你買埋晚餐黎呢？我等老公起身，之後去修補再去

〝日本城〞買野，睇下幾多點先決定。

在差不多4點時，突然有一把聲音問我點解唔叫醒佢買野比你食，我之前食左〝粟一燒~上湯龍蝦味〞唔肚餓，

又可能執緊你、我部電腦(掃毒、重組、掃木馬‧‧‧等等)忘記肚餓。肥仔再打黎問，於是我就決定我買埋晚餐。我問左老公好多次晚餐食乜，最後老公話食

〝肯德基〞

，老公不喜歡吃

〝麥當勞〞

、

〝肯德基〞，今次佢話食~我梗話好。我預備將個箱放係廚房個架到，度好左個呎吋，等埋老公洗衫、晒衫後去食〝mun mum〞，再做埋我要做的事。

我隻鞋〝跟〞底塊膠甩左

，〝補鞋伯伯〞好快就幫我整好，行過對面就係

〝日本城〞，但我行行下腳〝跟〞好似有野頂住，一陣回去問下〝補鞋伯伯〞先。我地睇、簡左好耐，決定比錢時，老公話好似〝化學〞，呢個價錢加少少去〝實惠〞好D，咁我地就急急腳去找〝補鞋伯伯〞，〝補鞋伯伯〞話唔關佢事，係隻鞋有個〝馬〞，〝補鞋伯伯〞幫我加塊野攪掂。但我行左幾步都唔係好得，而且又好似高左少少，不過算喇！隻鞋好平，真係唔得咪唔要囉！肥仔又打黎，叫我地買個包比阿B

，因為醫生話要清淡D，我同佢講食

〝肯德基〞，佢地冇問題。

到左〝實惠〞左簡右簡、左度右度，最好的呎吋大左少少，所以買左個次好的。跟住急急腳回家放低，再去買晚餐。阿B食薯蓉食得好開心，又食左少少飯

，但

〝肯德基〞飯難食左好好好多

。今日真係好

〝頻撲〞，著住新鞋行到腳仔又紅又痛。