超級無敵曳、曳、曳

阿B自己係地上行幾開心。

今日老豆與我要去房署〝善用公屋資源〞位於黃大仙的辦公室，是關於之前填過一份2年一次的〝入息審查〞，實際做咩我都唔知，所以我就叫老公請假陪我去，順便與老爺一齊食晚飯&送月餅給老爺。我地食過午飯就出發，不過老公沒有吃~他不想吃飯。

我地比約見的時間早到，所以就在商場行一陣，我幫阿B著鞋仔讓他在地上行，阿B不知幾開心，去到有好多扭蛋機的地方，阿B即刻伸手去攪&扭，老豆見到就比錢阿B扭蛋蛋，我緊係選有〝米奇〞既扭蛋機喇。擾攘一陣後，時間又差唔多喇，上到去還未夠鐘。老公背著阿B在走廊行，因為阿B不能在一個地方不動&又要背著動彈不得。這次花了約一個鐘時間，當面再詢問填寫多次〝入息〞，之後就一齊去〝大家樂〞食mum mum。阿B好乖坐係BB櫈上，我就餵阿B食米粉。食完，老豆回家先，因為我與老公帶埋阿B一齊去旺角整野。

睇下表情多多，冇時正經。

老爺見到阿B話佢靜、唔出聲，我話背住又係街，如果你去到室內就會好活躍。我地企係街到唔知食乜，就去左〝大家樂〞，因為有BB櫈，搵到位阿B已急不及待要出籠喇！

嘩

！

又爬上枱、又跳舞、又要去這邊又要去那邊，最後我比手指餅阿B食，才定些，但又做出好多古怪、攪笑表情，真係氹得人好開心。點知老公問過這間是沒有BB櫈，所以我地走左去〝大快活〞，點知都係冇，但好在我地有〝梳化〞坐。阿B一邊食意粉&飯，一邊四圍攪，冇時定~〝唔得喇〞，我就同佢出左去行，等老公食完接手到我食。

現在是阿B食粥的時段，我抱住阿B入左〝麵包舖〞買〝腸仔包〞比阿B，行下又見到有小朋友食緊迷你麵包，我記得行上D有間〝麵包舖〞，我就再買多4個迷你麵包比阿B，沿路行返去時見到有間零食店掛住〝旺仔小饅頭〞就入了去，原來是〝Hello Kitty〞包裝，但我發現有〝芝士魚肉腸〞，我一手拿了數緊有幾多支，在一瞬間阿B從我手上搶了1支咬，由於腸上佈滿阿B口水，在付款時從阿B手上取回，看到有好多口水飛向收銀員~真係唔好意思。老爺見到阿B非常開心，又主動抱阿B，阿B又肯跟人，真係氹得人幾開心架。其實，老爺都與老公講過想抱孫~我地都想生，但係我地要按部就班。

〝巴斯〞借借唔該，唔係我就咬你架喇！

回家前去了肥阿哥家取回東西，阿B一向都不喜歡肥阿哥專程訂回來的〝巴斯〞公仔，肥阿哥見阿B眼都唔眨睇電視，專登用〝巴斯〞整阿B的。回到家中娣婦說都是剛早一步回來，原來〝今日阿B1歲2個月〞，不是娣婦說，我都不知。

伯伯迫我攬住〝巴斯〞。