我的現狀大解構

事件發生在幾年前，當我辭職後不久，老公家中有變動要搬，所以老公問我一齊註冊後

， 跟住申請〝公屋〞，好不好？雖然，大家都係沒有預備&經濟基礎，但我答應了，因為他是一個好老公

，所以一向〝大花筒〞

的我從始要收歛了。

最後我地就搬左去與老公朋友一家四口同租住，因為我地大家都係等緊〝公屋〞。現在他的朋友派屋了，所以老公又要再一次搬屋。幸好我有一個朋友有間屋沒有人住，所以老公現在搬了入去住。

其實上年年中已做過一次〝入息審查〞，但係我地入息過了幾十蚊~結果衰左

，由於我地只是〝入息限額〞過了標準，所以可以等多半年再書面通知房署〝要求恢復申請〞。

多得上天眷顧今次的〝入息審查〞通過了，但又唔知要等多久了才派屋，我都有電致〝房署熱線〞查詢，但回覆是〝不知〞~這就是政府的制度，所以有人說：「人有冇屋住、有屋冇人住。」。在派屋後，我要努力搵工

，因為我地有2樣野要做，第一：擺酒、第二：生BB，我地要向目標進發。

大家睇完〝好辛苦~不吐不快〞後會覺得好奇怪，如果講得咁辛苦，點解唔去搵工？返工仲好過湊姪仔喇！現在2人家庭的入息限額$10,800(已扣除強積金)，我諗大家都明白為何！我等左咁耐冇理由就成功先黎放棄架。我不能返工又有時間，平時都係屋企同朋友的小朋友玩，後來湊姪就快來臨，所以回家幫手湊姪仔，等肥仔&娣婦負擔輕D，可以買多D野比阿B

。

8 September 2007

今日老公約了幾個朋友幫他搬屋，之後就一齊食晚飯

，當然係我地請喇！其中一個朋友，因為明天要返工走了，我地幾個人就去左球場旁的櫈坐~傾計，大家都說好耐都冇試過咁樣喇！十分回味，不過，〝美中不足〞還欠缺一人。我地傾到朋友們都冇車回家，最終要call〝的士〞

。在等緊回覆時，我地幾個人〝一字型排開〞倚住欄杆，鈍時覺得有幾個〝死老飛〞

。

大家分手後，我與老公回家執屋到早上5點幾才睡

，但明天約了〝網上行〞14:00-16:00駁線。

9 September 2007

我在早上10幾已睡醒，刷牙洗臉後又開始執屋

。肥仔13:00打黎話一陣同阿B去公園問我去唔去？我話駁完線才算，到下午2點幾才叫醒老公，之後老公去買外買，

在開餐前老公話3點幾仲未黎駁線既，我就打電話去〝網上行〞問，客戶服務員幫我打比師傅，在hold線時師傅打黎已到了樓下。去到公園睇到阿B好開心，係滑梯爬上爬落，之後一齊回家食飯。今日食飯好齊人，因為是我〝舊曆生日〞

，晚飯後一齊去〝惠康〞逛逛，肥仔&娣婦拖住阿B在地上行

，今日最開心的是〝阿B〞。