新屋睇風水

針灸師有個廣州朋友係風水師，幫人睇風水，之前都有聽聞過佢既事跡，而大伯娘亦都有朋友找他睇過風水，效果仲好好添！

我不是一個迷信的人，啱聽就聽，唔啱聽就唔聽，當冇聽過。老公更加唔迷信，佢值頭係唔信。

上星期我與阿媽去針灸，阿媽見我新屋入伙，所以同針灸師講想請佢朋友幫我新屋睇風水，順便再去娘家睇風水。針灸師見此，佢又想幫下我，而風水師專程由廣州來，睇咁少好似唔多好，所以佢搵多一兩個人比風水師，我細姑媽都睇。

風水師平時段尺計，而家賣人情比針灸師，當然唔會段尺計喇！所以收得我地好平。風水師話我間屋好，唯一一個唔好既地方，佢都教左我化解，但近排又忙又煩我未有時間去搵用料。