大澳搵食團

上個月有一個星期日落好大雨，咁啱我地plan左去〝大澳〞影相，順便就緊係跟阿蘇介紹既地方食下野喇！雨勢咁強勁，唯有順延至今日。

尋日我係阿蘇介紹〝東方小祇園〞訂左檯食lunch，數數手指有2小十五大，咁就訂1點鐘兩張檯，有十七個人就要訂兩隻〝鹽焗雞〞，仲問左有咩要訂，我一聽到〝粟米粥〞就立即訂埋。

我地約左11點係東涌集合，再搭巴士入大澳，花左45分鐘車程到達，落車就齊齊拿出相機，邊行邊影。我與熊貓姐姐就行快步，沿海濱長廊行去〝南涌村〞既〝東方小祇園〞，因為差不多1點。

今餐既餸全部都係跟阿蘇介紹，兩圍檯都係一樣，但唯一唔同就係隔離想吃麻辣豆腐，所以就將紅燒豆腐刪除。阿嫂見到餐牌有腰果露，但要訂，尋日聽到有粟米粥太開心，所以冇訂到。我就問下搏下有冇貨？都好彩有，大家都可以吃到。

大部份都係齋，肥阿哥和肥仔都係食肉獸，所以佢地都冇乜點吃，剩下既餸就靠我和熊貓姐姐攪掂，而菜就要靠娣婦。可能抱有期望，覺得餸菜味道都係一般。

鹽焗雞：入味、肉嫩滑，但隔離檯雞唔入味。

粟米粥：粥內有粟米、磨菇、青豆，仲有類似雪耳既物體，又係好味。

蝦醬通菜：菜味落去又淋又爽，淋唔係煮或烚到好淋，果種淋唔識形容，佢係有咬口的，美中不足唔夠蝦醬味。

羅漢清齋、荔茸酥卷、生炒排骨都冇乜特別，味道與外出的酒樓一樣，但個煎腐皮卷食落好清爽，我一個人食左大半碟。

紅燒豆腐：味道都係與外出酒樓一樣，但豆腐就好滑，滑到幾乎不用咬就可以生吞。

麻辣豆腐：我覺得豆腐唔夠紅燒豆腐滑，又係唔夠麻和辣。

腰果露：我唔吃什麼露、什麼糊，但它確實好香，唔止聞香食落都好香，甜度適中，當入口淡味，但會漸漸浸出甜味。

由村行回市中心，又係邊行邊影，途中咁就與開心果姐姐和她的幾個朋友失散左，最後都係分開兩批分道揚鑣，各自走。

我地在市中心又見到有沙翁，係新鮮整，我與熊貓姐姐一人一半，食時仲熱的，好味。

老公想去〝大澳舊警處〞，食飽飽咪行下囉！回程時又去左阿蘇介紹既糯米滋，要買6粒先有盒，咁我就買左兩粒，而熊貓姐姐就買4粒，有紅色標記就係厚皮，因為我地都鍾意食厚皮。

我想係舖內影下相架，但伯伯話可以影，不過唔準舖上網，因為佢與老闆都70幾歲人，阿蘇都唔準影，佢仲話CNN都來過，都唔準佢地拍。

頭先熊貓姐姐想要盒，但又唔想買咁多，員工們就叫佢唔好買咁多，因為要即日食，不可以留過夜，所以佢地寧願我地買少D，咁樣就唔會影響品質喇！

熊熊姐姐要買阿蘇又介紹〝淡口蝦醬〞，咁我就上網搵資料，見到有好多人都讚好，所以我都買左2樽大，其中一樽係送比老爺既。這間好細心，佢會自製一D紙模來固定蝦醬和可以防撞。

回程時我地坐船由大澳去東涌，仲可以碰運氣睇下〝中華白海豚〞，大家真係好運睇到，今次係我第2次睇到，而且比上一次更加近和清楚。

大家都行到好攰，夜晚就係東涌東薈城美食廣場攪掂，我食左個泰式飯，食完又去買甜品，因為天氣一熱我就想吃好凍和酸既野。

今朝肥阿哥有揸車，半個鐘到就回到家，趕得切睇〝美女廚房〞。

上次我去大澳〝大日子※3週年結婚紀念〞買左把鵝毛扇阿婆都想要，所以今次有機會去我又一把比阿婆，但今次呢把好大把，而且冇上次咁靚，但都好過冇喇！