學裹糉

我自小就唔吃糉，不喜歡吃糉的餡料，就算要我吃都只係食5個角，即係糯米，因為我好鍾意食糯米。

我不喜歡吃，但就好想學整，成都好想知點整。每年端午節都想自己整來送比人，但身邊又冇人識。

今日就可以一償心願，阿媽放假叫左個同事來教佢裹糉，佢個同事擁有多年經驗，每年都會包30幾斤米，然後派比同事、親戚和朋友，一學就有高人指點，真幸運。

阿媽做左好多預備功夫，所以佢就不停叫我唔自己整，好麻煩，下次佢都唔會整，買好過。我當然今年唔會整喇！留待下年整，下年有自己既屋方便好多，而家住呢到用具唔齊全。

阿媽同事邊包邊講解，我與阿媽從旁睇左2隻後，就開始自己包，真係雞手鴨腳，有時阿媽同事都有望下我地，見到有不對就指點。我唔鍾意食餡，所以自己包左一隻，只有瑤柱和糯米，細細隻好得意架！由於阿B要返〝協康會〞，所以學完就要帶阿B返學，仲未有烚熟後的樣，明天有機會就影比大家睇下。

我第一隻裹既糉，係唔多靚，但都可以咁喇！