步行港九

今日外出影相，去左好多地方全程都係行路，只係一程搭船，都可以話係長征。我地係影相前相約一點係金鐘等，老公提意去上次〝沒玩機動的一天@海洋公園〞食晚飯既地方〝丼日本咖哩專門店〞吃，仍然keep住水準，各人都話好吃。

我地以香港公園作首站，我係香港公園被蚊咬左好多啖，真係好癢。第二站去香港動植物公園，然後再到中環煤氣燈和石板街，行經上環再落返中環天星碼頭，坐船過尖沙咀，不過，我忘記charge電，所以煤氣燈係用普通數碼影，而石板街影過冇影。夜景係用普通數碼影，效果唔係咁靚。

我地係尖沙咀睇幻彩泳香江，幾年前我與老公係山頂睇過一次，果時有煙花和激光，但而家冇左煙花，一D都唔好睇，簡直係睇到〝O〞晒嘴。

我地睇完我諗住博下帶佢地去我以前公司附近食好味既酸辣米線，但事隔多年成條街都面目全非，唯有再向前行去佐敦，最後去左廟街食晚飯，吃十1蚊碗麵，雙併加5蚊，心諗會唔會好難食呢？以呢個價錢味道都算好。

我想食糖水，再行過對面齊齊吃糖水，雖然今日冇跑步，但運動量已十分足夠。