母親節2009

今日母親節晏晝我、老公、肥阿哥、阿嫂和肥仔一家去左〝大埔海賓公園〞影相和讓阿B接觸下大自然。夜晚就一家人與阿媽吃飯，都係去家附近既酒樓吃，平時我地有喜興都來這裡，一來近屋企，二來對老人家方便D，雖然唔係咁好吃都會揀這間。

我地冇book，但都有D擔心冇位，但平時都係得一、兩檯人幫襯，可以話係包場咁滯，所以都係冇Book，但今日係母親節都坐唔滿，不過就好過平〝靜鷹鷹〞。

我地想order〝百花鑲豆腐〞，之前阿婆吃過話好味，但經理話廚房做唔切，所以改〝羅漢齋豆腐〞。佢地覺得今晚餸菜有D差左，而有D就進步左，但我就覺得都係差不多。全晚最好吃就係隻〝南乳燒雞〞，肉質好滑又香。