Wii

嘩！加油丫！

近日成日聽人玩

Wii話好好玩又可以減肥，終於尋日去左阿哥屋企玩Wii，阿B仲睇到眼都唔眨，有時好肉緊有時又好留心。初初的game有D幾好玩，如果話可以減肥就唔多覺，但當我玩Boxing時就知喇，對於我黎講運動量好大。

之前玩其他game都冇咩野，當我玩緊boxing既時候佢地一邊笑一邊叫我行後D，因為佢地怕我會打爛個電視、其他野和打到對手，事關我真係全身都郁晒，我都知我玩緊果時D動作又騎呢又攪笑，我仲知道肥仔錄低左添，我以前玩跳舞毯佢地都成日笑我，每次我玩這種遊戲佢地都係笑到碌地，玩完我全身都濕晒，我地已經開左冷氣玩。

今朝起身個2隻手都好痛，因為平時冇做運動尋日咁郁實痛，Wii可唔可以減肥我就唔知，但我覺得適合我怕一個人做任何事，你可以一邊打機一邊做運動就唔會悶喇！

你隻手指唔好阻住我睇喇！