巨響、地震、發燒、串燒3兄弟

巨響、地震

尋晚12點幾，突然聽到一聲巨響&感覺到地震，我地隨即彈起身連睡了既爺爺&嫲嫲都驚醒，各人都心知不妙

，正當我地沖入房之際就聽到阿B嚎哭，大家都慌忙入房，因為我比較近房，所以我係第一個到案發現場，我見到阿B不是睡在牀上，而是俯臥在地上、頭向門口，我見此形勢就隨即抱起阿B，然後交比尾隨既肥仔，過了一陣肥仔又交比娣婦，雖然阿B仍然哭，但細聲左&有時都會停。

當各人看過阿B&情緒穩定了，娣婦抱阿B入房，然後去刷牙與阿B睡，而我就暫時陪住阿B。阿B在輾轉反側後睡了，突然阿B張開眼4-5秒後又哭，我即時抱起阿B行出房，待情緒穩定了再抱回房，但不是睡得太好，因為時不時都張開眼，我諗阿B可能怕再次跌落牀。

回想起聽到巨響、感覺到地震&阿B嚎哭都係發生於電光火石之間，

當時的情境真係好似走難。

 

發燒、串燒3兄弟

今朝9點，我覺得阿B好似發燒就幫佢探熱，在餘下10幾秒&幾秒時我聽到阿B 〝pat pat〞 分別有2聲留氣聲~〝芝.........〞，我就知道將會有大事件發生，心想~〝點解仲未夠鐘架、唔好呀、快D喇、唔想有串燒3兄弟〞，咇咇咇咇~好野終於夠鐘，當我掹探熱針出黎就聽到有野湧出黎既聲，我就二話不說幫阿B著返條片，真係好險。雖然阿B係有發燒，不過阿B都好精神，咁我都放心返大陸玩。

米奇畫版 ※ 侄仔至愛

前日下午，收到〝樂團〞打電話黎我之前訂既〝米奇晝版〞有貨可以隨時去拎，咁我就順便約琦琦尋日食lunch，因為琦琦公司在〝樂團〞附近，同埋琦琦有扭蛋比我，點解~會有扭蛋比我，有一個故事，當時阿B都未出世。

有一日，我、肥他&大肚〝淋 dum〞既娣婦行街經過一間扭蛋舖，以前我都會扭，但係識左老公後帶我去買一套平過扭，我就只會睇下有咩新野出左，而肥仔平時都唔會扭，但係比佢見到其中一部有〝史迪仔〞加上吹氣就諗住等阿B白白時玩，為左個仔梗係扭喇，好哀唔哀未扭到史迪仔就扭到米奇，天啊~我原本諗住買，而家又要扭，要一套一定會有重覆，我&肥仔拎左我地所需之後，我將重覆既分給各好友，而琦琦係其中一個。阿B出世後非常鍾意咬史迪仔滑板

，終於比佢咬爛左，所以我就問下邊個仲有係到，琦琦揾到有3個扭蛋分別係〝史迪仔〞、〝唐老鴨〞&〝維尼熊〞，我就拎左2個留番〝維尼熊〞比鍾意既琦琦。

邊個都唔可以拎我個至愛~滑板

米奇晝板

至愛滑板

姑姑媽~扭蛋 ※熊貓姐姐食lunch

尋日天氣非常炎熱，早上我、姑姑媽就陪太公&太婆去買野回鄉，之後太公&太婆回家，而我&姑姑媽就同

熊貓姐姐(琦琦姐姐)食lunch，因為下午等爺爺&嫲嫲放工後就起程回鄉。

在預期中早到達目的地，所以姑姑媽就背住我到處逛逛，突然在我眼前有好多扭蛋機

，姑姑媽發現到有一款係

發聲公仔電話繩，就扭左一隻藍色狗狗比我，姑姑媽話肉酸一陣食完lunch再扭多一隻，按狗狗的肚面額會着燈＆講〝Ｉ Love You〞好得意架

，之後就去餐廳等熊貓姐姐喇，熊貓姐姐見到都話隻狗顏色咁奇怪，初時熊貓姐姐話我成日望住佢笑又

讚我乖，但係以我天真活潑的性格

，

一陣就蹦蹦跳~熊貓姐姐話讚錯左。熊貓姐姐話我瘦左，姑姑媽話但係高左，當熊貓姐姐抱

我時拎住我隻

肉手就發覺我有好多肉，話我似肥老豆。食完lunch姑姑媽真係帶我去再扭多一隻，今次係豹係咪靚好多呢

，今日真係好開心！

 

藍色狗狗

可愛豹豹

一套6款發聲電話繩

豐富的晚餐

首先解釋一下點解我地晚餐會叫外賣先，就係因為今日屋企4個老人家回鄉，不過媽咪&老豆明天下午會回來。

今晚晚餐我地叫左

〝元綠外賣速遞〞，其實我地都唔想，因為元綠既壽司不及當年，但係肥仔想食〝冷辣辣麵〞，所以都別無他選。但今次冷辣辣麵就失敗~味道好淡

，所以我自行加左沙律醬~就好味D，而娣婦所選既蠔情卷&天婦羅海蝦壽司，

都麻麻地，蠔情卷係3個圓形兜中間果碟，我以為用飯包住一隻生蠔，但係娣婦食剩一舊，我拎黎影相時突然趺左舊生蠔，咁我就問娣婦其餘2件係咪咁，佢話之前2件係食到少少生蠔，咁樣我就覺得其怪，究竟係點樣包既呢？今餐整體上都係一般。

 

冷辣辣麵

吉列炸蝦卷

蠔情卷

第一件泳衣

上星期六雖然天氣很熱，但肥老豆、媽媽、伯娘&姑姑媽都陪了我去買泳衣，而伯伯和丈丈都要返工。當日不只是買了泳衣，還有很多屬於我東西。

相中的泳衣好看嗎？媽媽十分喜愛，還說如沒有了蜘蛛俠的圖案，這件泳衣好像是一件賽車手的服裝，十分酷，而姑姑媽還說笑，其他人看到會覺得很奇怪，為什麼蜘蛛俠會在水中，而不是在大厦上爬來爬去，有點怪怪啊！

再戰宜家傢俬(沙田)

今日都唔知去邊到好，等到老公起身已經下午1點幾，我地食完brunch之後都3點幾，但都係唔知去邊，咁為有整下野又諗下喇，突然記得之前連續2個星期老公都話去宜家傢俬食晚飯，但係我話唔去出面好熱&唔知收幾多點，因為我之前見九龍灣好似6點幾canteen已關門。今日想出街又唔知去邊，所以我就同老公講去宜家傢俬。

在我差不多到新城市中央廣場時有一段小插曲，就係唔知係咪我隻波鞋都覺得熱要抖氣抑或肚餓，我突然向前拐一拐隻鞋就開大口，我頓時變了腳有毛病的人，有時老公又取笑我喎，點算呢？

老公：一陣買對新鞋。

我：未必合心水。

老公：一陣睇下宜家有冇鞋膠賣。

我：邊會有丫，人地賣傢俬。

終於上到宜家門口見到宜家職員係counter到，我心諗用膠紙打雙黏住隻鞋，但係我行既時候膠紙與鞋底就會有一個空間其他人咪睇到，咁肉酸

，行唔通。

老公：問下佢有冇膠紙〝痴〞住隻鞋。

我：點〝痴〞丫！唔通用膠紙綑實隻鞋丫！

老公：係丫！係丫！(一邊笑一邊講)

我：唔得架喎。

但係我就走左去問有冇鞋膠買，佢話冇。跟住我地就坐扶手電梯上，我地去左canteen睇下幾點關門，原來營業時間10:30-21:30，所以我地行返去入口shopping完先食，我地又經過頭先個counter。

老公：問有冇膠紙。

我：話膠紙唔得架，你點〝痴〞。

老公：將膠紙打雙底面都有黏力。

再行多幾步諗諗下同老公講用膠紙應該得，我隻腳踩落地張膠紙會比我踩扁左，其他人咪唔知囖。之前我的想法是錯~我真係蠢蠢！老公問人借左3張膠紙，我地就坐係梳化到〝痴〞鞋，之後我地就行畢全程去食野喇，其實我地有買野，但係全部放低晒，因為老公話食完先拎！

今次款式同上一次差不多，只是意式長通粉→白汁海鮮長通粉&香橙雞扒→啤酒朱扒併蘋果茸，老公緊係食燒牛肉喇，而我就試啤酒豬扒併蘋果茸，另外加多一碟薯條&10粒肉丸，今次既豬扒好食過上次既雞扒，我地都食得好飽丫，跟住我地就去拎張櫈，我諗住比阿B玩&扶住起身，而飲管上次我見阿哥屋企差唔多用晒，咁我咪順手買囖！我地比完錢去小食部買左筒餅&每人一杯雪糕添，雪糕($2)又好食又平過麥麥($2.5)，今日好滿足。

侄仔11個月喇~~~

大家好丫！今日我11個月喇~下個月今日就1歲lu

，唔知會唔會有人幫我開生日會呢？不過我偷聽到肥老豆一早約左姑姑媽下個月21號同我一齊去

進行下水禮，到時唔知丈丈會唔會去，因為丈丈唔識游水

，但係媽媽都唔識喇都話會同我去，咁丈丈你會去架可~

唔知到時會唔會打爛支香檳呢？因為我坐水泡都算係啟航丫~