西米紅豆糕 (內附食譜)

〝西米紅豆糕〞已計劃整，但又的唔起心。

尋日執野又見到盒馬蹄粉，咁大盒都唔知何時用完，唯有的起心整野食。

雖然我不喜歡吃〝西米紅豆糕〞，都試了一個。

我已拎約一半比老爺，其他今晚吃飯送比朋友們，話咁快就分折上市喇！

味道與街的差不多，而質感就稍軟身，不及街的挺。

第一個脫模時遇到問題，講比較麻煩，所以我拍了短片。

好似整三文治咁就得架喇！

蒸前 (左圖)；蒸後 (右圖)，蒸完就透明架喇！

脫模短片，只要用牙籤整下、了下，然後〝櫈〞下，就可以輕易脫模。

西米紅豆糕

食譜來自：懶人甜品

材料：(直徑8CM蛋撻模~20個)

西米                   240克

馬蹄粉               75克

凍水                   6湯匙

砂糖                   95克

豆沙茸               220克

粟米油               2湯匙

做法：

1.          煮沸水，加入西米，煮至透明。

2.          取出，瀝乾水分，過冷河，備用。

3.          馬蹄粉加入凍水6湯匙，拌勻。

4.          加入西米、砂糖、粟米油，拌勻成西米餅皮。

5.          在餅模內掃上一層油。

6.          按入適量西米餅皮，放上適量豆沙茸，再放上適量西米餅皮。

7.          西米紅豆糕隔水蒸約6-8分鐘，即成。

整後心得：

l            若撈西米餅皮時覺得水份多不要怕，只要你擺放一陣水份就會被吸收。

l            用牙籤幫助脫模會易D。

l            要放涼才脫模。

l            西米煮到一半透明就要熄火焗，因煮得太耐會溶。