凍豆腐花@無石膏粉 (內附食譜)

熟識我既人都知我好鍾意食豆腐花，以前瘦的時候食Buffet飽，都要食2-3碗豆腐花。

成日都好想知點整，後來自己識整，又唔會想整，因為都有點麻煩。

又要浸，又要磨，又要煲，都幾花時間。

而家有左〝通少〞既〝自創食譜: 無石膏粉的凍豆腐花 (Tofu pudding)〞就方便喇！

做法簡單，又沒有石膏粉，就可以減少失敗。

這個份量整左4小杯，得YY、高達和我有幸品嚐，我地都好鍾意食。

我覺得整一定要買靚豆漿，因為我買既豆味淡，所以唔係好香。

凍豆腐花@無石膏粉

食譜來自：通少〝自創食譜: 無石膏粉的凍豆腐花 (Tofu pudding)〞

材料：

無糖豆漿              2杯 (440毫升)

糖                          1湯匙

魚膠粉                  1/2湯匙 (7.5克)

凍水                      20毫升 (4/3湯匙)

汁料：

薑蓉                      1湯匙

冰糖                      10克

水                          半杯 (110毫升)

做法：

1.          豆漿用中火煲至暖，加入糖攪勻，熄火備用。

2.          魚膠粉加入20ml凍水於一個碗中浸透成海綿狀。

3.          將載有魚膠粉的碗浸於另一個載了滾水的碗中坐熱，攪成魚膠漿備用。

4.          待豆漿稍涼後，將豆漿和魚膠漿徹底攪勻，平均到入器皿中，雪5-6個小時即成。

5.          將汁料煲至糖溶化，雪凍備用，吃時可以就可以加薑糖水或黃糖享用。

貼士：

l            記得切勿加得太多魚膠粉，否則過硬就不似豆腐花了。

l            豆漿不要煲滾，微暖足夠熱力去溶糖就可以了，要待涼一點才好和魚膠槳混合。