復活節‧鬆弛熊馬卡龍

之前興同事又係團購見到大家都有興趣想整既馬卡龍，雖然我自己都整過，但我想睇下有冇咩竅門，所以就約埋一齊整。
今日下午我有事，所以放假，大家約好在上堂附近的地鐵站等，我估佢應該未食野，所以我就買定野食比佢，邊行邊食。
班開7點，對我地來說是很趕，而且一定會遲少少，去到已經開始左。
嘩！一班有好多人，大家聽完和睇完阿Sir示範，咁我地就開始整。
其實，呢班係學復活節馬卡龍，但見有其他同學仔整鬆弛熊，同事見復活蛋形難整，所以佢整鬆弛熊。
阿Sir話我個漿攪得稀，所以叫我唔好唧咁大和厚。

用風筒吹乾，但初時不要將風筒放得太低，因為會吹到變形，吹到定形就可以入爐喇！
我既復活蛋出爐喇！裙邊唔靚、蛋身唔夠厚、有裂紋，仲要顏色又唔均勻，阿Sir話我撈既時候唔均勻。

裝飾係我既弱項，所以我晝得好肉酸，而同事既鬆弛熊好靚丫！

阿Sir個盒好靚丫！

咕臣

我為結婚時整左對咕臣，係我自己一針針繡上去架！

冷帽

之前織過蝴蝶頸巾比姪仔，肥仔叫我下次唔好織頸巾，織冷帽比佢好過。
今年終於的起心織，但上網搵乜人教織，就算有都唔詳細。
我去買冷針，去過好多地方都冇我想要既。
我係平時間冷舖搵冷針，連佢都冇貨，但佢就教識我織冷帽。
我唯有上網搵冷舖，然後逐間打去問，黃天不付有心人，終於找到，但佢收7點，只得一支，我趕唔切，叫佢留貨再叫左老公幫我去買。
織完呢頂帽後，我都讚同用4支針織，因為我用蛇針織到最尾好難。

頸巾

我一向都係帶飯，平時食完lunch都冇乜野做，又唔想嘥時間，所以上年11月開始我就織頸巾。
我織比家中4大長老，所以織呢個款佢地比較易帶，只要套落個圈到就可以。

阿婆(灰色)：呢條係同事幫我織架！因為佢想試下個花，跟住佢就教我織，同一個花我織左比阿媽。
阿公：藍色
老豆：炭灰色
阿媽：粉紫色

之前織比4大長老有剩冷，所以再去配，然後織比自己和老公，今次頸巾可以圍2個圈架！
我：灰色
老公：炭灰色

有個同事要走，佢又怕凍，所以我就織條頸巾比佢，原本長度剛好，但我覺得有點硬和魷魚，我就用燙斗蒸下佢，點知蒸完長左，真係有點不好意思。

4大長老有，點可以少得我老爺呢！

織開又想織，織多條比表姐和姨媽。

杞子桂圓曲奇(內附食譜)

我預備新年送禮架！

杞子桂圓曲奇

 

食譜來自：星級私房曲奇

 

材料：

無鹽牛油 80克

糖霜 52克

全蛋(拂勻)    25克

低筋麵粉 136克

發粉 1/4茶匙

杞子 20克

桂圓 32克

 

預備

l   牛油置室溫至軟

l   糖霜過篩

l   低筋麵粉和發粉混合過篩

l   桂圓用水浸約20分鐘待軟後，加入已清洗的杞子一同剁碎混合

l   預熱焗爐至165度

l   鋪焗爐紙於焗盤上

 

做法：

1.  
牛油以電動打蛋器打發至微白。

2.  
加入已過篩的糖瑁用膠刮混和，再以電動打蛋跆打勻。

3.  
蛋液分數次加入打勻。

4.  
把已過篩麵粉分數次加入，並輕輕用膠刮拌勻。

5.  
麵糰分侍個8克，用包湯圓方法將杞子桂圓餡放入，用手搓圓按扁。

6.  
每件相隔1吋放焗盤上，在表面放上杞子。

7.  
入爐以160度焗14-16分鐘即成。

 

貼士：

l   將桂圓肉和杞子剁碎，這樣才會容易包裹，而且又有煙韌的口感。

唧花立體蛋糕

我又係Yahoo團購見到有呢個〝唧花立體蛋糕〞班，仲要係小班教學，最多4個人上堂，我好快就齊集人數去上堂。
大家晝定個圖先，我整Pinga，Miss就用鬆弛熊比我參考下某啲位置。

調好顏色

蛋糕又焗完和放涼，就動工喇！

Pinga係我整架！我比上次雪糕蛋糕更滿意。

豆腐芝士凍餅(內附食譜)

明天回娘家吃阿媽的生日飯，所以今晚放工回家立即動工整蛋糕，呢個食譜係之前西點班的同學仔比我的，我將佢用的〝百福豆腐〞改左用〝山水豆腐〞。

豆腐芝士凍餅

 

材料：

麥維他餅 80克

溶牛油 40克

忌廉芝士 100克

砂糖 50克

山水豆腐 200克

鮮忌廉 130毫升

魚膠片 10克

水 50毫升

鮮奶 75克

 

做法：

1.  
用木棒壓碎麥維他餅，將牛油和餅碎混和，再用匙壓平在模內。

2.  
忌廉芝士、鮮忌廉、砂糖用打電器打至軟身。

3.  
分2次加入鮮奶，再加入豆腐。

4.  
將魚膠片浸軟，再加開水將魚膠拌勻。

5.  
魚膠水加入忌廉糊內一起拌勻。

6.  
倒進有餅碎的蛋糕模內放入雪櫃45分鐘。

7.  
取出餅後放上適量蜜桃作裝飾。(蜜桃片可以不加)