今年我的生日有點特別，就是我不在香港渡過，而是去了台灣慶祝，玩了4日。
唯一不好就是，生日吃晚飯的地方要我自己book就‧‧‧唔係咁好囉！
纖瘦小姐聽了我會去台灣，她都想去，所以佢比我早一星期去。
雖然我去了台灣2次，而老公就一次，但每次都係跟團，所以我要週圍搵資料。
我聽下朋友意見、在網上搵，當然仲有買旅遊書睇喇！
可是網上的資料不多，可能去台灣根本就不用寫行程。
我還問了肥阿哥借腳架，咁就不靠人就可以影合照喇！因為我與老公國語都唔掂。
近日香港的天氣都不太好，很擔心台灣都會落雨。
台灣原來好熱，熱到每日早上外出，晏晝就要回酒店洗澡，再外出。
第一日行程：淡水、朋友吃晚飯 (因晏晝先到台灣，所以行程有變動，只是可以去〝淡水〞。)
早餐在機場的〝大快活〞開餐。
就在這個閘口
老公要求影的，因為係〝荷蘭〞飛機。
香港仲落緊雨，點算好呢？都冇計，起飛先算喇！
很難吃的飛機餐
飛機在雲層上空有陽光，延續到台灣上空亦是，台灣天氣很好，仲好熱添！
步出機場就去朋友介紹去坐〝飛狗〞巴士去酒店。
酒店在橫巷內，雖沒有華麗的裝修，但服務不錯。
我地換左2次房，第3間才滿意，第一間上不到網，第二間在電梯口旁，而且又對逃生門有的怕。
放低行李就立即出發，台灣捷運與國內的票都是用膠弊的。
Mister Donut係我行程之一，在火車站旁，試下先。
淡水
街上有好多人
我知這不是新奇野，但我好想試，試後冇乜特別。
老公喜歡的〝黑橋牌〞腸，梗係要幫襯一下喇！
高佬鍾意吃鐵蛋，旅遊書推介，所以去幫襯下，但超多人。
纖瘦小姐推介〝名軒〞，佢話牛肉麵好吃，點知去到落閘。
諗住係到開餐醫肚，而家點算呢？
唯有週圍搵食喇！對面馬路有這檔試下，大家不試也吧！
情人橋有陸路和水路，我就揀水路。
天氣熱好口渴，但這兩杯又貴又不好喝，在情人橋附近的〝士林大雞排〞買。
外出4-5小時衫都濕透，回酒店洗澡，然後再去東區Sogo與老公的朋友〝高妹〞見面食晚飯。
這間〝Ki Ki Restaurant〞(http://www.kiki1991.com/)係由台灣藝人開。
高妹還帶多一個朋友前來，佢地間中都會來，咁梗係由他們發板喇！
到尾聲又多一個人來，今次認識了兩位新朋友。
用膳完畢在酒家外傾談時見到這情景，台灣的環保意識比香港好，垃圾車一到就有好多人擁出，居民還會乖乖將垃圾分類。
飯後梗係有甜品喇！高妹帶我地去吃甜品，吃完佢要趕車去〝高雄〞，真係多謝高妹的款待，因為台北去高雄要幾小時。
今天的戰利品
沒有留言:
發佈留言