上次RC兩公婆(老公朋友)到我新屋食飯，那次已講好下次去他們的家玩。
上兩個星期老公幫朋友在我家商場電器舖訂了冷氣機和抽氣扇，今日送貨，咁我地就去打擾佢地。
今晚吃泰國菜，因為RC太太是泰國人，我仲有幸學煮泰國菜。
大家邊吃泰國菜，邊睇泰國恐怖電影，真係美極。
這餐真的很美味，味道像外出吃的差不多。
香茅雞翼：外皮脆香，內裡淡了少許。
生菜包
之前RC太太已教我煮過〝冬陰公〞(老公幫人、我得益)次係第二次，但材料與上次有點不同，我又忘記左問，我諗其實都是隨心而矣。
落足材料架！味道與泰國餐館沒分別。
泰式炒通菜
老爺另一隻眼都做垚白內障手術，上星期就陪老爺覆診，所以一向唔鍾意睇字的我(食譜書除外)，都要買本雜誌來解悶。
我見到 U Magazine 又有食譜換，所以就買它。
今日再去買多一期，然後夜晚去街時順便換埋。
我略略睇過，食譜都OK，做法和煮法都簡單。
本書原價$128，而家用兩個印花，再加$15就換到喇！
換法：剪存2010年3月12日至4月15日報第224至229期)，刊於U Magazine內任何2個不同期數的《昀級名廚食譜100DIY》印花，係指定OK便利店以換購價15蚊就可以架喇！詳情：http://www.umagazine.com.hk/event_result.php?event_pkey=125
我唔知Yahoo咩事，我upload左好多次幅相都唔見到，而剛剛打完這篇網誌按〝立即發表〞，手快過我個豬腦，擔心的發生了，網誌不見了，真係有點灰。
現在應該冇事了，但我見到幅簿內有好多幅相同既相，而草稿匣內同一篇網誌有十幾頁，真係麻鬼煩。
之前朋友送左支白酒賀我新居入伙，這令我想起〝〝名廚‧甜品〞〞內有款甜品(第98頁)，由劉北弟師傅主理用到白酒，做法又簡單的。
尋日我動手做，因為分3層，在做第二層時可能魚膠水放得久，又未完全攪勻，所以不是太凝固，有了這經驗做第3層時，將魚膠水再座一座溶，可以都已變成一幢危樓。
我整得不夠美，書用的模是螺旋紋的戚風模，而我只是用1磅的長方形蛋糕模。我將書的士多啤梨改為奇異果，因為士多啤梨貴嘛！
朋友們反應不錯，唯獨是老公話〝麻麻〞，成日樣樣都話麻麻，咁咩先叫好呢？哼~
我和大家都覺得生果多左D，而且只是第一啖有白酒味，但我已錯手落多左白酒，可能要用再靚D既白酒先得。
書說是十人分量，但5-6個人都可以吃掉。
白酒煮啫喱
食譜來自：名廚‧甜品
材料：(10人分量)
士多啤梨、芒果、火龍果 共400克
沸水 375克
糖 100克
魚膠粉 15克
白酒 125克
做法：
1. 士多啤梨、芒果和火龍果切粒，備用。
2. 混合糖和魚膠粉。
3. 將之混入沸水中，拌勻。
4. 待涼後，拌入白酒，製成啫喱水。
5. 放涼至室溫狀態，把部分啫喱水加入芒果粒中，冷藏至定型。
6. 取出後放入士多啤梨粒和部分啫喱水，冷藏至定型。
7. 取出並放入火龍果粒和剩餘的啫喱水，冷藏至定型，脫模便成。
貼士：
l 糖和魚膠粉使用前先進行混合，可避免魚膠粉遇熱糊在一起。
l 可隨喜好使用不同生果。
l 製作白酒啫喱時，加入魚膠粉後不要過分攪拌，以免起泡。
今日出去影相，雖然肥仔與娣婦都唔去，
但我問准可以帶阿B出來，所以就叫肥阿哥和阿嫂湊阿B來。
阿B玩得好開心，又聽話。
我地都行左好多路，氹佢行我地就用前面有大公園，阿B就用這目標來支持住，
到阿嫂陪佢去完公園玩，跟住佢就好似拔了插蘇，成個人好攰，最後都睡了。
耍功夫
我地影完相就回肥阿哥家吃火鍋，在買火鍋料時，
老公與阿B去〝80M〞又買左巴士比阿B。
〝永利街〞要重建，我與高佬都想去影，所以相約今日去影相，
我約埋肥阿哥和阿嫂，仲帶埋阿B來。
大家都不知如何去〝永利街〞，所以大家就用手提來GPS定位(除我與老公外)。
我地係搵既時候，就順便去埋〝摩羅街〞影。
〝永利街〞還有人居住。
〝永利街〞到處都是多人，沒有什麼野影，有點失望。
〝士丹頓街〞都是要重建諗住影埋，但去到又係冇特別，所以連相都冇影。
除以上的地方，仲有去其他地方行下。
〝摩羅街〞
入面會活化，但未完成，所以唔入得。
只在外邊逛逛，沒有入內，因為要入場費10蚊。
〝永利街〞
這個人用的相機幾古舊。
永利街旁的〝必列者士街〞有一個荒廢的街市，而且後面仲有個室內遊樂場。
這座唐樓已復修好，但將會被拆。
今日唔止北上買到平野，連係香港都買到。
〝Love Mi 鄭秀文世界巡迴演唱會香港站〞知道出已想買，但老公一直話〝唔駛咁急，遲D會平D〞。
新年去拜年，纖瘦小姐買左，我打麻雀只係有聲冇晝，但有睇既老公和朋友都話好正。
想買既時候已買斷市，就算有都加左價要$198，之前係$178。
頭先係纖瘦小姐家附近見到，已出第二版，而家減價仲有88折$166，仲平過第一版，今日真係由深圳抵到香港~抵~抵~抵。
今日老公請左假，因為之前與纖瘦小姐約好北上。纖瘦小姐之前都有整開麵包和蛋糕，近日她的老公L先生又開始學，所以我帶他們北上掃烘焙用品。
大家都大豐收，全程買得好開心，真係平到震，但時間都唔係好夠，有機會再一齊去過。今次係〝廚安居〞買野用會員價，可以慳回一個人的車費。
早十點約左一齊吃早餐，然後出發。首先去〝廚安居〞巡視一下，大概睇下有什麼想買，到最後才回來買東西，因為拎住野行街好麻煩。
我地行去東門行一陣和食D野，老公唔吃酸辣粉，所以只係每人飲杯野和食個撻。
食野時見到對面舖有纖瘦小姐最喜歡的〝阿Pooh〞，所以吃完我與她就過去睇下，價錢都不平，所以四處睇下其他舖，終於去到一間開價最平，而且仲以7折多D價錢買到，纖瘦小姐不知幾開心。
跟住坐地鐵去〝深圳書城〞買食譜書，睇下〝深圳地鐵〞標誌與港鐵差不多，深圳只不過係將港鐵的logo重疊而矣。
老公帶領大家去搭地鐵，因為老公公司這裡有office，若然不是都好難搵到地鐵站，老公話這個站在地底，連接左幾個商場，所以好麻煩。
我地由老街站去少年宮站，我影完少年宮果幅相，就有月台職員笑住話不准影相，態度真係好。
深圳書城
一入去就搵食譜書，但唔多見到，我見到有卡通VCD，所以買左隻喜洋洋比阿B，因為太平RMB16怕過海關會被捕，D9都只不過係RMB32，所以我問得好清楚係正版先買。
若果你唔介意係簡筆字的話，真係好抵，但若果香港都有售的就與香港差不多，可能係繁體字掛。不過，有一本〝新手成功烘焙DIY〞香港有售，但要六、七十蚊，而家平一半咋。
買左4本書夾埋都係81.9，另外只要加1.5蚊就有一個環保袋。纖瘦小姐都有買架，但忘記影相。
這間〝麵點王〞食物水準唔錯，我地行到4點幾先食，可能太晏，所以有D野售罄。其實，有次來過，但有好多人，所以就去左〝KFC〞，今次係平日，所以有機會試，果然又平又好食，怪唔之得咁多人喇！
生煎包：10元/5個，若果餡料再多D就完美喇！
鮮肉白菜餃：12元，老公唔吃麵，所以叫左這個餃，這個餃大家都嚐過都話好味，味道與小籠包的差不多，總之好食喇！
小籠包：8元，L先生話要學阿蘇試下盪鞦韆，雖然冇盪，但都凌空夾左好耐，因為我食緊野，又要搵相機影。
大家再搭地鐵返〝廚安居〞著手入貨，纖瘦小姐與L先生就買左好多野，不過，忘記左買砧板。
我烘焙就買左好少，因為話晒都來過幾次，野都買得七七八八，但係下面幾層都有收穫丫！
沙鍋都夠2-4人用架，只需RMB33.3(會員價)，RMB39.2(非會員)。
燉盅夠2人用，只需RMB13(會員價)，RMB15.3(非會員)。
晚餐返到香港先吃，去左纖瘦小姐家附近吃，L先生回家擺野，我地就去搵位。
