4 April 2010
今日9點就要係酒店check-out，然後過澳門，但而家要用2-3小時才可以過關，關口有人收RMB150載人過關，咁就只需幾分鐘就過到，所以我地就搭佢，佢知我地要去氹仔，所以載左我地去橫琴過關。
過關後用3蚊坐過關巴士，然後再坐〝威尼斯人〞 Shuttle Bus落〝威尼斯人〞 行下，再坐的士去〝大利來記咖啡室〞吃早餐。
〝大利來記咖啡室〞要留意，叫凍檸茶18蚊，而凍奶茶12蚊，老闆話凍檸茶多人叫，搵錢喎！
買既時候得〝餐包豬扒包〞或〝菠羅豬扒包〞，要晏晝先有豬仔包，咁我地就要晒餐包。熊貓的餐包豬扒包中〝便便〞，所以就送一個〝菠羅豬扒包〞，菠羅夾冇乜得別，基本上全部都冇乜特別。
地址：氹仔巴沙總督街18號地下
營業時間：0630-1800
食飽就去隔離的〝路氹歷史館〞，星期日免費入場。
開放時間：上午十時至下午六時 (逢星期一休息，下午五時半停止進館)
我地一早就食甜品喇！首創榴槤雪糕，以自製手打雪糕聞名，全部用新鮮水果製成。我地買左大菜糕、木糠布甸、椰汁雪糕和榴槤雪糕，榴槤雪糕真係有一絲絲榴槤架！
天娜餅店
地址：氹仔告利雅施利華街41號地下
電話：(853)2882-7532
營業時間：0830-1900
原本諗住係〝誠昌飯店〞食晏，但實在太多人，連籌都派晒，所以就坐巴士去〝三盞燈〞食蟹皇麵。
我地落左巴士搵左好耐先搵到，係紅街市斜對面，見到〝Comebuy〞前行入去就搵到，價錢OK，食質素又好，值得一去。
新龍記
地址：沙梨頭南街29號華寶商業中心E座地下
電話：(853)2825 2517
營業時間：0700-1200
蟹皇撈麵：23蚊有好多蟹皇，麵質又爽。
勁辣咖哩腩麵：15蚊
原個鹹檸蜜：凍14，熱12，真係原個，仲要好大個，凍的比熱的好飲，去到一定要試。
我地買左龍鬚糖，要18蚊一盒有12粒，都有好多人排隊幫襯，亦都有好多人預訂。
祐記龍鬚糖
地址：紅街市匯豐銀行前
營業時間：1000-1800
*可以打電話預訂的，有好多人都預訂架！
松山
買完龍鬚糖就分兩架的士，我、老公和熊貓一架的士，但司機車左我地去纜車站，所以我地就坐纜車上松山，而其他人就係半山落車，佢地就行上去，但仲比我地快到。
伊沙貝拉浪漫燈塔
松山防空洞展示廊
賽車賽道之一
〝大賽車博物館〞和〝澳門葡萄酒博物館〞位於同一個地方，只要去葡萄酒博物館就可以免費去〝大賽車博物館〞，入場費MOP10。
地址：高美士街旅遊活動中心
開放時間：1000-1800
入場費：MOP10 (大賽車博物館)、MOP15(澳門葡萄酒博物館)
〝大賽車博物館〞~我係第2次來架喇！
〝澳門葡萄酒博物館〞~你可以試一種酒。
前日訂左食葡國餐，但後來冇去到，所以就決定掃街。
多年前來澳門摯友已叫我試下，果係係朝早去，所以只係食早餐沒有吃雪糕。今次來到就可以嘗到，雪糕是自家製的，雖然沒有特別，但都算還了一個心願。
禮記
地址：荷蘭園大馬路12-12A地下
電話：(853)2837 5781
營業時間：1200-1900
價錢係平鍋貼$1.2，而生煎包$1.5，但質素麻麻，而且size真係細，咁平係有原因既。
小上海鍋貼
地址：乾草里3號地下
電話：(853)2835-5039
營業時間：1130-2300
台灣帝鈞炭燒胡椒餅
地址：大炮台街1號C地下
電話：(853)2836-2363
營業時間：1100-2000
胡椒餅都係一般，唔上有胡椒餅，仲有大腸麵線，但我唔吃大腸，所以唔知好唔好食。
手信唔去最出名既買，所以行下試下，試啱先買。
我地好夜先去到手信街，咁夜呢間麵店都未關門，仲有即打竹昇麵睇，我有錄Viedo添。
由於太夜都冇乜街掃，不停咁行，行到去細龜炒河，可惜休息，唯有再行，最後入左去〝牛記咖哩美食〞，食既野又係與〝新誌記〞一樣。
牛記咖哩美食
地址：澳門十月初五街一號地下
電話：2895 6129
蟹皇水餃撈麵：蟹皇有好多~美味。
魚蛋水餃麵：老公諗唔到食乜，所以食最普通既。
炸水餃~好味。
我地係澳門走，但時間係零晨4點幾，但我地12點幾就去到碼頭等waiting list。我地有4個坐包箱，兩個坐豪華。我地等到1點班船有位，但包箱係8人，所以有兩個朋友和要與2個陌生人同房。
包箱係有餐食架！
