記得十多年前摯友M小姐生日，我知道香檳大廈有間〝星座冰室〞的紅豆冰很有名，所以這裡是慶祝其中一站，不過我不吃紅豆冰的。
近日換了一本搵食的書，介紹其中一個地方就是這裡〝星座冰室〞，本書話不用茄膏而用新鮮番茄煮製，而且相當慷慨，鋪滿整個碗麵，老闆話一日用50斤番茄之多。雖然我地都不吃紅豆冰，但我地都好鍾意食番茄，所以想帶老公去試下。
今日有機會喇！因我有事要出尖沙咀，而且係香檳大廈附近辦些事。我與老公都覺得好，下次會再來。
西多士：好吃，而且糖漿冇加水，所以好杰比較難倒。
番茄牛肉麵：起初吃覺麻麻、一般喇！但食食下又幾好啵！真係成碗都佈滿番茄，牛肉又好吃。
奶茶：有茶味，甜度適中，老公話比〝蘭香園〞仲好。
星座冰室
地址：尖沙咀金巴利道香檳大廈地庫36號
電話：2724 4408
時間：8:00am - 9:30pm (星期日休息)
茜茜嫁了去法國，她早在今年一月已回香港，而她的老公Ben在上星期都由法國來港，但下星期佢地就會返法國喇！
今晚約了茜茜和Ben吃晚飯，這餐飯食得好開心。迪迪媽提意食海鮮，我與迪迪媽放工就立即去晚餐的地方，當然老公都係喇！我地齊人就去買海鮮，老公就留守看袋。我地行到1/3路時才發現大家都冇帶錢，真攪笑，唯有折返，再向海鮮檔出發。
第一次出去時見到仲有幾隻鵝，而且聞到好香燒鵝味，第二次出去見到得返一隻，就立即叫老公Order定半隻。
燒鵝好味又大隻。
清蒸鮑魚：有掌心大，又唔靭，正。
芝士琵琶蝦伊麵底：好多年前我都整過一次琵琶蝦，琵琶蝦肉質好似龍蝦，但價錢平好多，又係正。
椒鹽賴尿蝦：又大又有膏
豉椒炒聖子：阿Ben好鍾意吃
生炒骨：比海鮮迅色左D
椒絲腐乳通：都OK
吃飽飽就去食糖水，老公讚這間糖水份量剛好，比其他糖水店好。
今日我包起老公全日，點解咁講，咪因為今日係佢牛一囉！
行程我都係幾日前先諗，禮物仲要係今日先買，禮物呢Part當然係秘密進行喇！
我地約中午時份出發，由第一站食到最後一站，雖然食既地方不多，但今日真係未餓過。
第一站：天馬快餐
之前少年食神介紹已經想去，今日就去會一會〝天馬快餐〞，不過，我上過Open Rice睇過食評話差左，唔理都去試下先。
Michael漢堡：漢堡原來有2款，收銀阿姐問我要邊款，我就反問佢邊款好，佢就叫我試下〝Michael漢堡〞，我諗這個名係因為少年食神而來的，但都冇乜特別。
炸雞脾薯條：可以不吃。
咖哩牛腩飯、羅宋湯：老公話個飯好吃，只係講〝飯〞咋啵！佢仲食得出係用電飯煲煮，仲讚羅宋湯好飲。我就覺得汁都幾好，係牛筋冇味，羅宋湯值得一飲。
奶茶：有茶味，但太甜，老公嗜甜都話甜。
第二站：Hot Dog Link
又係少年食神介紹過的，這間店很少，只可以坐約10個客，所以我都係買完立即在外邊等，咁既竟況梗係要買走喇！插針都針唔入。
我額外加了芝士和洋蔥沙律，熱狗一個人食都可以當一餐。
我地行到又熱又渴，就係許留山坐低抖抖。
最後一站：金田
老公鍾意吃日本野，之前去過荃灣分店吃放題都滿意，所以我就係尖沙咀訂了位，但質素不及荃灣的好，剌身淡味，而且溶雪時間不夠，所以應該不會再來。
不過，估不到這個螺和關東煮又幾好，全晚最好吃的東西。
送的甜品
老公鍾意龍貓巴士，但找不到日本出的，唯有買住韓國的。食晚飯時趕老公唔為意就擺內佢個袋，但食後走時佢已經發覺了。
